Pozisaun PNTL Metin La Autorija L-7 Organiza Masa Halo Demo

DILI - Polisia Nasional Timor Leste (PNTL) mantein pozisaun sei la autoriza Cornelio Gama L-7 atu realiza menifestasaun iha loron neebe maka determina ona, no komandu la autoriza tamba hare ba situsaun iha rai laran oras nee iha faze neebe seidauk limite hodi fo tempu ba L-7 atu halo demo.

Tuir II Komandu Jeral PNTL Komisariu Faustino da Costa informa katak, notifikasaun ou pedidu L-7 neebe hatama ona ba iha PNTL atu husu autorizasaun hodi halo demo, maibe parte PNTL nia hare, analiza didiak pedidu nee no la fo autorizasaun ba L-7 atu realiza demo iha loron 22 too 26 fulan ida nee.

Hau hanoin Komandu la autoriza tamba hare ba situasaun oras nee ema balun sei lao hela operasaun konjunta, no segundu maka L-7 rasik hetan hela TIR hosi Tribunal, tamba nee PNTL tetu katak L-7 labele organiza ema atu halo manifestaun, tamba nee ami la aseita ho nia pedidu neebe hatama mai iha Komandu atu fo autorizasaun hodi halo demo,” informa II Komandu Jeral PNTL Komisariu Julio Hornay ba Jornalista, Kuarta (17/06 2015) iha Centru Formasaun Akademia PNTL Comoro.

Nia mos informa liu tan katak, Pozisaun PNTL nafatin la fo autorizasaun, karik segunda maka nia nafatin organiza ema hodi halo demo maka nee kestaun seluk, karik ema balun neebe tenta atu halo asaun hamotuk ho L-7 maka Pozisaun PNTL nian sei halo atuasaun seluk.

Iha parte seluk Cornelio Gama L-7 mantein pozisaun atu halo Demostrasaun hasoru estadu Timor Leste, maske PNTL ho Ministru Interior Longuinhos Monteiro la fo autorizasaun, maibe Pozisaun L7 mantein. Informasaun kompletu iha STL Jornal no STL Web, edisaun Kinta (18/6/2015). Madalena Horta

Suara Timor Lorosae