HASA’E KUALIDADE ESKOLA PÚBLIKU

Kualidade eskola publiku barak maka sei dok tebes husi eskola ne’ebe exelente. Tanba ne’e, membreu Parlamentu Nasional (PN), Leonel Marcal, husu ba makaer sira ne’ebe jere eskola públiku atu hasa’e tan kualidade.

Membru Komisaun F ba asuntu Saude, Edukasaun, Desportu no Jeneru, Leonel Marcal, observa katak, durante ne’e ekola privadu (Kastoliku) nnia valor ezame nasional diak liu kompara ho eskola publiku nian, tanba mekanismu edukasaun ho nia kualidade maka seidauk diak.

‘’Ministeriu Edukasan karik atu halo rekrutamentu ba profesores sira ne’e tenke haree sira nia edukasaun, atu nune’e eskola publiku mos kada tinan iha izame nasional bele hetan valor diak,’’ dehan Lionel ba jornalsita sira iha Parlamentu Nasional, Tersa (15/09/2015).

Membru PN husi Bankada FRETILIN ne’e hatete, haree ba kualidade edukasaun minimu tebes, liu-liu ba eskola publiku sira, tanba dala ruma halo rekruta ba profesores sira la haree ba nia background mai husi edukasaun , no la haree ba kapasidade, maibe haree ba ema ne’ebe mak kunese malu .

‘’Ita kualia kona ba kualidade ne’e labele hare uluk husi alunus tenki hare uluk husi profesores sira, depois profesores mak hare fali ba iha infrastruktura, tanba to agora eskola barak mak kondisaun la diak, ne’ebe mak sira labele halao prosesu aprendizazen ho diak, ne’ebe ida ne’e persiza hadia atu nune’e kondisaun eskola bele diak atu labarik sira bele ba eskola no halo estudu ho vontade diak,’’ Lionel hateten.

Antes ne’e mos Deputado Komisaun F, Eladio Fakulto, konsidera katak, edukasaun Timor Leste sei mukit hela husi kualidade, maske Ministru Edukasaun troka malu dala hira ona, maibe dezenvolvimentu edukasaun marka pasu.

Deputado Eladio husu Ministeriu Edukasaun reforma servisu ministeriu nian no dirijente iha edukasaun mos tenki kontrolo servisu iha kada diresaun, tanba dala barak servisu la tuir nia ritme no la tuir nia area hodi hamosu konfuzaun. nia

Jornal Nacional