TAMA ASEAN, TL TENKI INVESTE MAKA’AS IHA EDUKASAUN

Timor Leste (TL) atu tama ba Asosiasaun Sudeste Asiatiku (ASEAN) presija investe makas ba kualidade edukasaun, hodi bele produs rekursu humanu ne’ebe maak kualidade no adekuadu.

Vise Reitor Asuntu Akademiku Universidade Nasionál Timor Lorosae (UNTL) Zeferino Veigas Tilman hatete, kualidade edukasaun iha Timor Leste Importante tebes, tanba Timor Leste mos iha prosesu ida atu adere ba ASEAN, kuandu tama ba ASEAN presija aihan ne’ebe mak diak, signifika katak prepara rekursu umanus ne’ebe mak adekuadu.

“Ita tama ba AEAN entaun ita presiza prepara ita nia hahan, se seidauk prepara hahan, entaun diak liu prepara agora atu hasoru kuandu aban bain rua ema seluk mai kompete ho ita iha ita nia rai laran, tanba ne’e kaulidade edukasaun iha Timor Leste importante tebes atu tau konsiderasaun as hodi nune’e ikus mai ita nia graduadu sira, laos de’it iha universitariu, maibe mos graduadu sira husi ensinu basiiku no mos esninu sekundaria sira,” dehan Zeferino Viegas Tilman ba jornalsiat sira iha kampus UNTL, Tersa (15/09/2015).

Zeferino hatete, atu hetan kualidade edukasaun diak husi estudante hirak ne’e laos deit fó kunesementu matenek iha aula, maibe presija fo kunesementu ekstra ne’ebe mak iha relasaun ho kapasidade ou skil estudante sira nian, tanba saida mak sira hetan iha aula i tanba saida mak sira hetan iha laboratorium ne’e la hanesan ho saida mak sira hetan iha atividade ekstra hanesan treinamentu lideransa no treinamentu iha relasaun ho pulic espeaking I depois kapasidade ekstra sira seluk.

‘’UNTL rasik sira tenta atu kria grupu estudante bolu naran klubu estudu kada fakuldade entre klubu estudante sira buka malu aprende iha aula liu husi professores no dosente sira I sira mos apreden hamutuk buat seluk ne’ebe sira seidauk aprende iha aula,’’ kulia Zeferino.

Zeferino mos informa katak, UNTL iha ona planu oinsa atu estabelese sentru formasaun lideransa ida iha UNTL laos deit kapasidade ekstra ba UNTL ,maibe mos bele kapasidade ekstra ba Joventude Timor laran tomak ne’ebe mak karik presiza atu hetan kapasidade ekstra ba sira nia diak iha futuru no hasae kualidade.

Atu hadia kaualidade edukasaun iha Timor, tuir Zeferino, la bele dependente deit ba professor sira iha aula no laboratorium sira, maibe ita mos presija kapasidade ekstra ba estudante sira rasik hetan kada aula ne’e mak importante,” afirma vise reitor ne’e.

Iha parte seluk Zeferino mos konsidera lingua mos fator determinante fo impaktu ba kualidade estudante, tanba tuir nia ema ida sei la fasil atu aprende iha tempu ne’ebe mak hanesan kaundu nia aprende lingua no mos aprende siensia, nia atu aprende lingua ka nia atu aprende siensia, kuandu lingua deit mak nia seidauk hatene sae tan ba siensia.

Tan ne’e atu hanorin ho diak ba estudante sira importante mak profesores ka dosente sira tenki uza lian ne’ebe mak estudante sira hatene no kumprende.

Antes ne’e mos segundu vise Ministru Edukasaun Abel Ximenes Larisina hatete, Timor Leste atu tama aba ASEAN tenki investe iha edukasaun, tanba edukasaun mak bele forma ema hodi dezenvolve nasaun no kompete ho nasaun sira seluk ne’ebe mak avansadu ona. Iha parte seluk nia mos konsidera lingua mos sai obstaklu ba Timor Leste atu hasae sira nia kualidade no atu tama ASEAN, tan ne’e nia husu ba Timor oan sira hotu tenki investe makas iha seitor edukasaun no tenki aprende lian portugues, liu-liu lian Ingles ho Mandarin, tanba lian ingles hanesan lingua internasional no liangua Mandarin hanesan lingua negosio. nia

Jornal Nacional