ADTL DISKUTE ESBOSU LEI ELISAUN SUKU

Assosiasaun Difisiensia Timor Leste (ADTL), diskute esbosu lei elisaun suku ninian ne’e ninia impaktu ba difisiente sira iha eleisaun suco.

“Ohin ami ho membru ADTL sira halo diskusaun konaba esbosu lei ne’e partikularmente atu haree konaba lei ne’e nia impaktu ba ema ho difisiensia no mos atu koalia mos ema ho defisisiensia ne’e bele hola dezisaun iha presesu dezenvolvimentu komunitariu liu husi lei suku, tamba lei suku ne’e atu oinsa komunidade bele halo dezisaun iha nivel komunitariu,”Diretur ADTL, João Pequinho ba Jornalista sira iha Salão enkontru ADTL Mascarenhas   Kuarta (7/10) horseik liu husi workshop debate lei suku.

Alem de ida ne’e mos iha workshop ne’e koalia mos konaba kompetensia Konselho de Suku, Chefe Suku nomos xefe Aldeia sira.

“Partisipasaun ema ho difisiensia la hetan partisipasaun iha prosesu, tamba lei sira uluk bainhira assosiasaun sidauk iha ema ho difisiensia la mobiliza, ho ida ne’e sira mos hatene lei sira nee, entaun ohin loron sira bele hatene ona katak, ita iha lei suku koalia kona kompetensia konselhu suku nia,” dehan nia.

Iha fatin hanesan Sekretariu Jeral ADTL Gaspar Afonso hateten, hanesan ema defisiente sente orgulhu bot ba sira tamba liu husi opurtunidade ida ne’e sira bele hato’o sira nia opiniaun no rekomendasaun direitamente hodi nune’e ema hotu haree hodi dabete ba sira nia dirietu iha esbosu lei nee.

“Ami orgulhu tamba iha tempu ida ne’e ami difisiensia sira bele hato’o direitamente ami nia opiniaun ami nia ideas no rekomendasaun ba esbosu lei ida ne’e atu nune’e ema bele haree no Parlamentu Nasional   mos debate ami ema ho difisiensia nia direitu bele tama iha esbosu lei ida ne’e, no mos ami bele partisipa direitamente tamba la tempu ona ema haree ami dehan ami la halo buat ida maibe, ami nia kapasidade bele dezenvolve rai ida ne’e liu husi aspeitu sira ne’ebe tuir ami nia abilidade ne’ebe mak iha,”hatutan nia.

Entertantu Diretur Jeral Sekretariadu Tekniku Administrasaun Eletoral (STAE), Acilino Manuel Branco hateten, preparasaun saida deit STAE halao maximu.

“Ita halo hela preparasuan meus ne’ebe mak ita iha I ita la haree ba kategoia elitores, maibe se deit mak atu vota, e lei mos fo dalan ba ita nia maluk difisiensia sira atu partisipa iha prosesu elitor, tamba ne’e mak ami nia departementu ne’e iha atendimentu fasilita ba sira ne’ebe mak atinji ona idade 17 anos ita fo tratamentu ba sira,” dehan Manuel.Ola

Jornal Nacional