Pipgalag II: Ofisial Polisíamentu
Komunitariu (OPK) Bobonaro organisa asaun dame hodi hadame hikas komunidade
Aldeia Tas Masak, Suco Saburai ho Komunidade Aldeia Pipgalag II, Suco
Tapo/Memo, Postu Administrativu Maliana, Munisípiu Bobonaro. Tamba iha fulan
Agostu 2015 liubá joven grupu ki’ik ida husi parte rua baku
Administrador Postu Administrativu Maliana,
Adelino Gouveia Brito hatete, aksaun dame ne’ebé halo iha iha loron (30/9/2015)
hodi prevene konflitu entre parte rua. Tamba liu husi asaun ne’ebé mosu fulan
rua liubá iha area Holtokoh rejulta ema ida kanek, uma hetan estragus inklui
animal hakiak balun lakon. Tuir Adelino, asaun dame ne’ebé organiza husi Ofisial
Polisíamentu Komunitariu hetan apoiu finanseiru husi The Asia Foundation (TAF) servisu
hamutuk ho autoridade lokais no lider komunitaria sira. “Ami presiza komunidade
sira moris iha ambiente ne’ebé nakonu dame, amizade. Atu nune’e ema idak-idak
bele moris loron-loron,” katak Adelino. Administrador Postu ne’e mos realsa liu
tan katak, aksaun dame ne’ebé halo dadaun ne’e versaun Estado nian. Maibé,
aksaun dame tuir kultura sei halo husi adat na’in sira iha fatin lulik ne’ebé
mak bei ala sira tau nanis ona.
Xefe Suku Saburai, Antonio Borges liu husi
nia relatoriu hatete, iha fulan rua liubá, komunidade grupu ki’ik oan ida halo
aksaun fisiku ba malu iha area Holtokoh. Iha akontesementu ne’e rezulta, ema
ida kanek, uma balu hetan estragus no animal balu lakon. Asaun ataka malu ne’e
foin dahuluk mosu entre komunidade parte rua. Desde uluk tempu bei ala sira
komunidade Saburai no Tapo/Memo mak hela vizino sempre moris ambiente saudavel.
Iha tempu uluk bei ala sira nunka hanorin atu halo konflitu ba malu.
Iha parte seluk, Administrador Munisípiu
Bobonaro, Domingos Martins hatete, atu evita problema iha bairo no entre individu, tenke rona lia na’in,
inan-aman no autoridade lokais koalia. Edukasaun moral la’os mai husi eskola
deit, maibé barak mai husi sira. Kultura mosu desde bei ala kedas. Tamba ne’e, Estado
mós kumpri kultura saida deit mak komunidade halo tuir ninia kustume. Ne’e duni
bainhira komunidade sira lakumpri halo nafatin konfrontasaun maka ninian dalan,
balun sai vitima, balun sai suspeitu. Kuandu sai ona suspeitu tuir lei ba sira
ne’ebé sai suspeitu, tenke prosesu tuir lei ne’ebé vigora iha Timor-Leste. Ne’e
duni husu ba komunidade sira, liu-liu joven bainhira mosu problema ruma buka
tur hamutuk hodi resolve tuir kultura ne’ebé bei ala sira husik hela ba jerasaun
foun, la’os buka atu halo aksaun krimi. “Se mak halo krimi, tenkte prontu atu
prosesu tuir lei. Laiha ema ida mak lei nia leten, se mak sala tenke kumpri
ninia sala hatan iha Tribunál,” katak Domingos.
Iha sorin seluk, Adjuntu Komandante Polisísia
Nasional Timor-Leste (PNTL) Munisípiu Bobonaro João da Costa hatete, baku malu
husi komunidade area rua iha fulan rua liubá ne’e agora dame malu ona. Tamba
sira mos presiza estabilidade diak foin dezenvolvimentu la’o diak. Tuir João
katak aksaun krimi nunka resolve problema, tan ne’e mundu agora lori ema buka
hadame malu, la’os buku atu kria konflitu ida ne’e mak tenki tau ba hotu-hotu
nian hanoin.
Suara Timor Lorosae, Loron Sesta, 09 Outubru
2015
Sem comentários:
Enviar um comentário