Projetu Tasi Mane Tribunal Identifika Erru Hatudu balansu Ukun

DILI - Projetu tasi mane neebe oras nee Tribunal identifika erru hodi husu atu hapara implementasaun ba projetu nee, hatudu balansu Ukun entre orgaun soberanu hat iha Timor Leste.

Tuir Vice Prezidente Parlamentu Nasional Adriano Nascimento katak Dezemvolvimentu Timor oan hakarak prosesu lao ba oin, mais prosesu sira nee tenki tuir lei.

ita labele halo dezemvolvilmentu neebe  lalais maibe la tuir lei, ita kontra lei nee labele, hau hanoin buat neebe tribunal hateten kontra lei no konstitusaun governu tenki hare nee mak dehan ita iha balansu ba ukun,” dehan Adriano ba Jornalista Segunda (25/01/2016) iha PN.

Nia hatete nasaun nee implementa buat ruma tuir lei, kuandu Tribunal detekta iha buat balun neebe mak inkonstitusional no latuir lei governu tenki hare.

Iha fatin hanesan Deputadu Bankada Fretilin Osorio Florindo hatete projetu tasi mane nia parte lakohi fo komentariu no husik prosesu neebe mak iha lao tuir regras neebe mak iha.

Projetu tasi mane projetu lubuk ida hanesan Aero Portu, Portu, nomos auto estrada estudu viavilidade. Informasaun kompletu iha STL Jornal no STL Web, edisaun Tersa (26/1/2016).  Timotio Gusmao

Suara Timor Lorosae