Prezidente
Indonézia, Joko Widodo, sei to’o iha Dili aban dader hodi hala’o vizita oras
balun nia-laran nomós asina memorandu entendimentu bilaterál ho xefe Governu,
Rui Araújo.
Iha
memorandu entendimentu ne’e abranje koperasaun ba iha setór desportiva no
juventude, arkivu, klimatolojia ho jeofízika, enerjia, petróleu nomós rekursu
minerais.
Tuir programa ne’ebé Governu Timór fó sai katak, Joko Widodo sei to’o iha Dili aban, besik tuku 10:00 dader, no hafoin to’o sei hasoru malu ho ninia omólogu Taur Matan Ruak, no sira na’in rua sei haan meiu-dia hamutuk.
Hafoin almosu, Joko Widodo sei hetan simu hosi Primeiru Ministru, Rui Maria de Araújo, hodi asina akordu bilaterál balun.
Iha komunikadu, Ministériu Negósiu Estranjeiru indonézia nian esplika katak vizita ne’e hala’o hodi ajuda “hametin liu tan relasaun bilaterál tuir mai”, buka atu afirma hikas indonézia ninia vontade “hodi sai hanesan parseiru prinsipál ba dezenvolvimentu Timor-Leste nian”.
Indonézia ne’ebé okupa Timor-Leste durante tinan 24, hosi 1975 to’o 1999, ohin loron sai nu’udar parseiru komersiál nomós emprezariál nasaun nian, liu hosi empreza oioin, inklui mos estatál hodi hala’o projetu infraestrutura.
Ligasaun aérea lorloron – agora ho kompañia tolu – ne’ebé hametin liu tan relasaun entre nasaun rua maka sai hanesan asuntu pendent balun entre parte rua, inklui mos kona-ba definisaun hosi fronteira maritime ho terestre. Sei rezolve mos aspetu seluk kona-ba timor-oan ne’ebé sai no tama bá iha enklave Oecussi.
Asuntu refere sei diskuti durante vizita hosi prezidente indonézia nian, hafoin nasaun rua hala’o enkontru komité hamutuk iha fulan hirak ikus ne’e hodi define kestaun fronteira nian.
Iha vizita mai Timor-Leste, Widodo akompañahosi ministru sira hosi Negósiu Estranjeiru, kordenadór Ekonomia no Desportu nomós Juventude.
Kartas bot ho imajen hosi xefe Estadu rua hamutuk ho primeira dama idaidak nian, tau ona iha rotunda hosi aeroportu Nicolau Lobato, entrada hosi sidade Dili. Widodo sei fila hikas hosi Timor-Leste, aban meiu-dia.
SAPO TL ho Lusa – Foto Presidenzia Republika
Tuir programa ne’ebé Governu Timór fó sai katak, Joko Widodo sei to’o iha Dili aban, besik tuku 10:00 dader, no hafoin to’o sei hasoru malu ho ninia omólogu Taur Matan Ruak, no sira na’in rua sei haan meiu-dia hamutuk.
Hafoin almosu, Joko Widodo sei hetan simu hosi Primeiru Ministru, Rui Maria de Araújo, hodi asina akordu bilaterál balun.
Iha komunikadu, Ministériu Negósiu Estranjeiru indonézia nian esplika katak vizita ne’e hala’o hodi ajuda “hametin liu tan relasaun bilaterál tuir mai”, buka atu afirma hikas indonézia ninia vontade “hodi sai hanesan parseiru prinsipál ba dezenvolvimentu Timor-Leste nian”.
Indonézia ne’ebé okupa Timor-Leste durante tinan 24, hosi 1975 to’o 1999, ohin loron sai nu’udar parseiru komersiál nomós emprezariál nasaun nian, liu hosi empreza oioin, inklui mos estatál hodi hala’o projetu infraestrutura.
Ligasaun aérea lorloron – agora ho kompañia tolu – ne’ebé hametin liu tan relasaun entre nasaun rua maka sai hanesan asuntu pendent balun entre parte rua, inklui mos kona-ba definisaun hosi fronteira maritime ho terestre. Sei rezolve mos aspetu seluk kona-ba timor-oan ne’ebé sai no tama bá iha enklave Oecussi.
Asuntu refere sei diskuti durante vizita hosi prezidente indonézia nian, hafoin nasaun rua hala’o enkontru komité hamutuk iha fulan hirak ikus ne’e hodi define kestaun fronteira nian.
Iha vizita mai Timor-Leste, Widodo akompañahosi ministru sira hosi Negósiu Estranjeiru, kordenadór Ekonomia no Desportu nomós Juventude.
Kartas bot ho imajen hosi xefe Estadu rua hamutuk ho primeira dama idaidak nian, tau ona iha rotunda hosi aeroportu Nicolau Lobato, entrada hosi sidade Dili. Widodo sei fila hikas hosi Timor-Leste, aban meiu-dia.
SAPO TL ho Lusa – Foto Presidenzia Republika
Sem comentários:
Enviar um comentário