ANPM- Veteranus Fahe Informasaun Konaba Lalaok FM

DILI - Autoridade Nasional Petrolium Mineral (ANPM) hamutuk ho Veteranus hahu halo sosializasaun hodi fahe informasaun, konaba kontiudu ka lalaok Fronteira Maritima (FM), ba lider komunitariu sira, tamba fronteria maritima nee sentidu estadu nian.

Lia hirak nee hatoo husi Prezidente ANPM Gualdino da Silva, liu husi soisalizasaun hodi fahe informasaun konaba kontiudu ka lalaok Fronteira maritima, iha salaun Administrasaun Munisipiu Dili, Mataduru, Dili, Kinta (17/03/2016).

Ami husi hatudu kontiudu no lalaok Fronteira Tasi Timor nia ba inan aman sira ho lolos, se lae maun sira dehan ami naran koalia deit, neduni ita hare took indonesia halo nusa no Australia halo nusa, depois ita agora halo nee tuir ita nia direitu ka ou naran halo deit, neduni ita presiza hare no hatene,” hateten Gualdino.

Iha fatin hanesan Sekertariu Taskforce Veteranus Jorge Alves alias Wemori hateten sira halo sosializasaun ida nee hodi fahe informasaun, konaba kontiudu ka lalaok fronteira maritima nia entre TL ho Australia, tamba Australia too agora sai tiha ona husi lei ANCLOSS, maibe iha artigu 74 lei ANCLOSS, loke dalan ba nasaun neebe deit maka iha disputa ba fronteira maritima bele halo protestu hasoru nasaun ida neebe impede.

Iha parte seluk komisariun politka Orgaun 8 Norberto Esprito Santo fronteira maritima nee interese nasional ba Timor oan hotu, tamba nee maka sira nia komprimisiu katak iha konferensia nasional veteranus sira hotu-hotu iha kompremisiu ida deit, katak hotu-hotu defende fronteria maritima, tamba fronteira maritima soberanu TL nian. Informasaun kompletu iha STL jornal no STL Web, edisaun Sesta (18/3/2016). Joao Anibal

Suara Timor Lorosae