PM RUI : JN-DIÁRIO HATUDU KAPASIDADE, REZISTE HASORU DEZAFIU

Primeiru-Ministru, Rui Maria de Araujo afirma, ejistensia Jornal Nasional Diario (JND) tinan 11, durante ne’e JN-Diário hatudu ninia kapasidade divulgasaun informasaun no reziste hasoru dezafius hotu-hotu ne’ebe maka iha.

“Durante tinan sanulu-resin ida nia laran Jornal Nasional Diario hatudu ona kapasidade atu reziste hasoru dezafiu oi-oin, no hatudu mos ona abilidade bo¹ot atu aperfeisoa nia a¹an, hodi avansa nafatin ba oin, ho kualidade ne¹ebé diak ba beibeik,”Primeiru-Ministru, Rui Maria de Araujo hato’o ninia mensajen ba Aniversariu JN Diario ba dala 11 (2005-2016) ohin (Segunda).

Tuir karta komunikadu husi Gabineti Primeiru Ministru ne’ebe diriji mai redasaun JN-Diário Domingu (06/03/2016) horseik, PM Rui hateten, ejiestensia JN-Diário sei otas nurak, maibe tenke asume nafatin responsabilidade ba informsaun ne’ebe maka publika.

“PARABÈNS. Maski sei otas nurak, no sei dauk hase’es-a’an kompletamente husi inperfeisaun balun, responsáveis JN-Diário hatudu katak sira nakloke ba kritika, no nakloke ba flexibilidade atu nafatin hadia-an hodi sai media ne¹ebé iha rigor, media ne¹ebé imparsial, no média ne¹ebé izentu husi interesse privadu. Maski jornal no jornalista sira iha papel importante tebes iha Estadu demokrátiku ida nia laran atu hato¹o informasaun ne’ebé lo’os no kredível ba sosiedade, no iha moos liberdade tomak atu defini ida-idak nia editorial no konteúdu publikasaun, jornal no jornalista sira tenki mos assumi responsabilidade ba buat ne¹ebé sira hakerek no publika,”haklaken PM Rui.

Liu husi karta komunikadu ne’e PM Rui husu atu nafatin servisu ho profesional hodi fo sai informasaun ba publiku ho justu no balansu.

“Responsabilidade ida ne¹e signifika mos katak, tenki sai duni profisionál, no profisionál signifika tenki hakerek no publika reportajen sira ho rigor, imparcialidade no izensaun. La¹os hakerek ka publika tiha buat ne¹ebé la lo¹os (liu-liu buat ne¹ebé halo distorsaun ba faktus), hafoin maka husu deskulpa ka apresenta fali razaun katak iha ‘kesalahan teknis,”PM Rui enkoraja.

Maibe Xefe Governu ne’e ho esperansa JN-Diário ninia tinan hakat ba beibeik ona ne’e bele sai profesional liu tan iha mundu jornalismu nian.

“Ha’u hein katak ho aniversariu ba dala sanulu-resin ida Jornal Nasional Diario sei sai profisionál liu tan, hodi bele kontribui ba dezenvolvimentu rai doben Timor-Leste. Proficiat et ad multus anus,’’hatutan PM Rui. /*bal

Jornal Nacional