DILI
- Eskoltu Komandante Jerál PNTL, Komisáriu Júlio da Costa Hornay nian halo
deputadu David Dias Ximenes ‘Mandati’ nervozu tanba lori kareta para loos
iha Deputadu ne’e nia oin.
Prezidenti
Komisaun B Parlamentu Nasionál Deputadu David Dias Ximenes ‘Mandati’ la simu ho
atetude ne’ebé hatudu hosi eskoltu KOMJER ne’e.
Tanba
lori kareta para loos iha Deputadu Mandati nian, maski Deputadu Mandati hamriik
hela iha fatin refere.
Hafoin
para kareta, Deputadu Mandati haksesuk malu ho eskoltu KOMJER ho inisial XI,
Veteranu ne’e konsege hasai liafuan ‘milisia’ hasoru KOMJER ne’e, tanba
nervozu.
“Ha’u
hamriik hela nusa maka mai para fali iha ha’u nia oin, o dehan ba o nia
komandante, ha’u antigu kombatente la’os labarik,” Deputadu Mandati
hakilar ba eskoltu KOMJER ne’e.
Situasaun
ne’e akontese iha loron Kuarta (30/3), bainhira Prezidente Komisaun B
ne’ebé trata Asuntu Defeza no Seguransa, David Dias Ximenes partisipa iha
tomada de posse ba estrutura Ministériu Interior nian, iha edifísiu Ministériu
Interior (MI) Kaikoli-Dili.
Deputadu
Mandati fó hanoin ba Eskoltu ne’e katak, kilat ne’e la’os polísia uza hanesanpreman,
maibé atu defende lei no orden.
Diáriu
ne’e tenta konfirma Eskoltu KOMJER XI, maibé eskoltu ne’e lakohi fó komentáriu
kona-ba akontesementu ne’e, tanba nia iha hierarkia Komandu atu ko’ailia.
“Maibé
ha’u senti fuan moras ho saida maka Deputadu ne’e hatete mai ha’u,” dehan
eskoltu ne’e.
Bainhira
Jornalista konfirma ba Komandante Jerál PNTL, Komisáriu Júlio da Costa Hornay
kona-ba asuntu ne’e, maibé rezeita fó resposta.(way)
Timor
Post
Sem comentários:
Enviar um comentário