Jornalista
Radio Televizaun Timor Leste Priscilia Fonseca sai vensedor ne’ebe diak husi
diak liu ba Balibo 5 Award 2016 ho pesa “Ema Moras Mental Sai
Diskriminadu”.
Eventu
ne’e realiza husi Asosiasaun Jornalista Timor Leste (AJTL) ho
Objetivu atu fo apresiasaun ba obra jornalista Timor Leste.
Iha
tinan ida ne’e, AJTL loke kategoria ualu (8) ba jornalista jornal, online,
radio no televizaun. Kategoria hirak ne’e mak, Borja da Costa
“hakerek future diak liu ba jornal no online”, kategoria Bernardino “future
diak liu ba jornalista Radio”, kategoria Roger East “dokumentasaun diak liu ba
TV no casa produsaun audiovisual”, kategoria Sander Stones “reportajen klean
diak liu ba jornalista TV”, kategoria Jill Jolief “reportajen klean diak liu ba
jornalista Radio”, kategoria Xanana Gusmão ”reportajen klean diak liu ba
jornalista jornal no online,” kategoria Agus Mulyawan “fotografu diak liu,” no
ikus ktegoria José Manuel Ramos Horta “hakerek opiniaun diak liu konaba direitu
humanu no relasaun externa.
No
manan nain ba kategoria hirak ne’e mak, trofi kategoria Borja da Costa monu ba
Olga Soares husi independente ho nia
pesa “istória loron sorin”, trofi kategoria Bernardino
mak José da Costa husi RTTL ho nia pesa
Difisiente no Alfayati, ba kategoria Roger East
mak Edgerio F.A Martins ho nia pesa
“Vitima nia istória durante okupasaun CPA”,
kategoria Sander Thoanies mak Priscilia Fonseca
ho nia pesa “ema moras mental sai diskriminadu”
husi TVTL , ba kategoria Jill Jolliffe mak
Aniceto Soares dos Reis ho nia pesa
“impaktu violensia ba dezenvolvimentu
labarik”husi RTTL, kategoria Xanana Gusmão mak
João dos Santos Soares husi jornal matadalan ho
nia pesa “Australia matan naklosu ba
mina.
Tantu
trofi ba kategoria Agus Mulyawan foti husi fotografer Acacio
Pinto husi Timor Post ho nia foto “ hili lata
mamuk iha lixu fatin no trofi ikus ba kategoria José
Manuel Ramos Horta monu ba Alberico da
Costa Junior ho nia pesa “lori Diário Timor
Post ba tribunal Self censorhip hatauk
jornalista Timor Leste”.
Husi
manan nain ualu ne’e jornalista Priscilia Fonseca mak sai vensedor best of the
best Balibo Five Award 2016 ho trofi rua, trofi kategoria ho fitun osan mean,
osan $1500,00, inklui bolsa estudu ba Australia, tantu sira seluk trofi ida ho
osan $500,00.
iha
biban ne’e Prezidente Asosiasaun jornalista Timor
Leste (AJTL), David da Costa dehan, eventu ne’e ho
objetivu atu apresia no forma ba jornalista
sira ne’ebe mak durante ne’e hala’o
iha sira nia servisu hodi nune’e bele
sai professional liutan.
Tamba
jornalista atu sai professional, laos liu
husi kritika sira ne’ebe mak mai husi
ema seluk, maibe tenki hetan mós
apresiasaun ba sira nia servisu, nune’e
sira bele hadia liutan sira nia
kualidade servisu no hatudu professional
iha sira nia servisu lor-loron.
“Balibo
5 ne’e ami loke oportunidade nafatin
ba jornalista sira nia obra liu husi
sira nia servisu durante iha tinan
hirak nia laran”hatete David da Costa
iha nia diskursu serimonia ba Balibo
5 award 2016 iha salaun Delta Nova,
Sabadu (2/4).
Iha
fatin hanesan prezidente ekipa juri
Expedito Dias Ximenes,hatete katak, kriteria
ne’ebe mak sira konsellu juri kaer
atu bele hili ne’ebe diak husi diak
liu iha balibo 5 2016.
Presidente
juri Expedito Dias Ximenes,esplika jornalista
ne’ebe mak hatama hamutuk 64 ho nia
kategoria 8 hanesan kategoria Borja da
Costa ne’ebe hakerek notisia fiture diak
ba jornal no online,kategoria Bernadinho
fiture diak liu iha radio,no dokumentariu
diak liu ba iha video CPA ,son the
son,indep enportin diak liu ba iha
Televizaun,no kategoria Jose Ramos Horta ba
opiniaun diak liu konaba direitu humanus,
no relasaun sterna nune’e mos audit
fotografer diak liu.
Nia
esplika, husi kategoria 8 ne’e sira
hare husi sira nia media mak oinsa
relevansia topiku ho nia kontiudu ne’ebe
hare husi parte sosial, aberjensia no
proprinidade, hare husi kriteria jeral ho
nia durasaun, linguajen, ho tan, aktualidade, balansu ho
dadus kompletu no los,hare husi tekniku
imagen husi televizaun no radio,hare husi
narasaun no topiku no naradin,no mos
sira hare husi prin ho online sira
hare husi layaout.
Expedito
Dias Ximenes, rekomenda ba prezidente komisaun
organizadora katak, atu bele garante media
award ne’e ba oin ho diak ho
presiju ne’ebe diak liutan mak konkorente
sira ba oin presija aumenta tan, no
tempu ne’ebe mak ekipa juri hala’o
selesaun ba konkorente mos sei limitadu
tebe tebes, tamba hala’o iha semana 2
de’it, nune’e mos ba oin bele aumenta
tan ho synopsis.
Priscilia
Fonseca, hatete inisiativa ne’ebe organiza husi
AJTL ne’e atu motiva servisu jornalista
nian hodi esforsu liu tan atu hatudu
kualidade servisu ne’ebe mak durante ne’e
jornalista sira hala’o.
“Hau
hetan informasaun konaba hau nia istória
ne’ebe mak hau foti ne’e iha
munisipiu Liquisa iha suku ida ne’ebe
mak dok husi sidade husi fontes José
Sampaio ne’ebe mak sofre moras mental
ne’e bele motiva hau tamba oinsa hau
bele foti fontes ne’e nia dokumentasaun” manan
nain ne’e esplika.
Priscilia
Fonseca, husi Televizaun Timor Leste ne’e
esplika razaun nia bele foti fontes
ne’ebe sofre moras mental ne’e atu
nune’e Governo bele hatene no identifika
hodi fo apoiu, tamba nia hela mesak
ho ninia ama ho nia idade 54.
“Hau
hatama nia notisia ka istória ne’e la
espera katak hau atu sai manan
nain ou diak husi diak liu, maibe nia
hakarak Governo bele hatene hodi fo
ajuda ba fontes sofrementus moras mental
ne’e maibe to’o ikus nia bele sai
manan nain ba diak husi diak liu
the best of the best” nia sente orgullu. Tos
Jornal
Nacional
Lee
mos Timor Agora
Sem comentários:
Enviar um comentário