DILI
- Eis Prezidente Repúblika, Dr. José Ramos Horta hatete Xanana iha koñesementu
di’ak kona-ba asuntu ida ne’e. Tan ne’e, governu no povu Timor tomak tau
konfiansa ba nia (Xanana) hodi halo negosiasaun ho governu Austrália.
“Maun
boot Xanana iha autoridade no koñese asuntu ne’e (tasi timor) di’ak no kle’an
tebes. Problema maka to’o agora governu Austrália la simu negosiasaun, lakohi
loke fila fali negosiasaun ba fronteira marítima. Ha’u hanoin governu Asutrália
halo sala. Austrália tenki rezolve problema ne’e atu nunee problema ne’e labele
sai boot,” Premiadu Nobel da Páz ne’e tenik ba jornalista sira iha Delta Nova,
Dili, Sábadu (02/4).
Nia
hatutan Xanana nia pozisaun povu tomak apoia. Tanba ne’e, tuir Horta, di’ak liu
governu Austrália hanoin didi’ak no buka dalan túr hamutuk ho Xanana para halo
diálogu kona-ba problema fronteira marítima ne’e, tanba sira (Austrália) hatene
katak ohin problema iha internasionál ladun boot karik maibé semana no
fulan ruma nia laran problema ne’e sei sai boot liu-tan.
“Ne’eduni,
ha’u hanoin di’ak liu Austrália hanoin didi’ak ho ulun malirin nu’udar nasaun
viziñu tanba Austrália ita nia belun la’ós inimigu. Austrália mós fó
apoiu nafatin ba ita maibé ita hatete buat balun ita la konkorda duni
entaun di’ak liu túr para haree dalan ne’ebé di’ak ba interese Timor nian no
mós Austrália nian,” nia informa.(van)
Timor
Post
Sem comentários:
Enviar um comentário