Hanesan Orgaun Autonomia, SAMES Jere Osan Rasik

Dili, Radio Liberdade Online_Permeiru Ministru Rui Maria de Araujo halo vizita ba SAMES ho objectivu hare direitamente servisu SAMES ho sistema servisu SAMES nian.

Vice Ministra Saude, Ana Isabel Soares ba Jornalista sira wainhira akompania Primeiru   Ministru  vizita edifisiu SAMES, kampu Alor, iha loron 4/4/2016.

Permeiru Ministru nia objectivu ohin mai ne’e, mai para atu hare sistema iha SAMES lao oinsa,” dehan Vise Ministra.

Vice Ministra Saude haforsa tan katak iha  Osamentu Jeral Estadu tinan 2016 aloka ba SAMES hodi hola aimoruk ho montante sinco milloens no osamentu ne’e jere rasik husi SAMES, “osamentu jeral estadu 2016 foin dadauk ne’e, aloka sinco milloens ba deit aimoruk e osan ida ne’e mos jere direitamente husi SAMES hanesan orgaun autonomia ida.”

Alein ne’e,  vice Ministra Saude esklare tan katak durante ne’e Ministeriu Saude iha ona osamentu hodi hola aimoruk emergencia waihira iha SAMES stoc out ba aimoruk, “kundu aimoruk ida la iha no iha SAMES aimoruk stoc out duni, Ministeriu Saude iha osan atu aloka hodi kompras emergencia, wainhira iha stoc out, ita labele dehan katak iha ida deit mak laiha dehan katak iha Timor-Leste ne’e iha stoc out ba aimoruk item ida ne’eba, ne’e laos”.

Rádio Liberdade Dili