Governu portugés agradese esforsu no serbisu hosi profesór portugés sira iha Timor-Leste

Sekretária Estadu ba Sidadania no Igualdade portugés, Catarina Marcelino, agradese ona, hodi Governu nia naran "esforsu maka'as" no "serbisu importante" hosi profesór portugés sira ne'ebé hanorin daudaun iha Timor-Leste.

"Imi nia serbisu hanesan importante tebes. Área edukasaun hanesan área importante iha Timór. Portugal, buat ne'ebé di'ak liu ne'ebé halo iha Timór maka iha edukasaun", no profesór sira nia serbisu hanesan importante", Catarina Martins hatete iha Díli.

"Ha'u hakarak agradese ba imi, ba imi nia esforsu iha fatin dook ida iha mundu no serbisu ne'ebé imi halo tanba ita nia nasaun. Ha'u sei lori mensajen hodi rekoñese imi nia serbisu no imi nia preokupasaun sira", nia hatete durante enkontru ida ho profesór sira no profesór portugés sira seluk iha Díli.

Durante enkontru, ne'ebé hala'o hafoin vizita ida ba Escola Portuguesa Ruy Cinatti, Catarina Marcelina destaka ona liuliu "esforsu adisional" hosi profesór portugés sira ne'ebé namkari iha distritu sira Timor-Leste nian iha ámbitu hosi projetu eskola sira referénsia nian.

No bainhira refere ba Eskola Portugés iha Díli, sekretária Estadu portugés destaka ona "kontributu boot" ne'ebé maka dosente sira fó iha Timor-Leste iha eskola ida ne'ebé "hanesan ezemplu di'ak ba nasaun".

"Ensinu lian portugés iha Timór hanesan importante, afirmasaun hosi lian hanesan lian hosi CPLP hanesan kbiit maka'as ida hosi nasaun sira ho lian ofisial portugés iha mundu. No Portugal, hanesan orijen hosi movimentu global ne'e, senti orgullu boot ida", nia hatete.

Iha enkontru ho portugés sira, nia rona ona apelu oioin, relasionadu ho eskola portugés, liuliu kona-bá falta sala de aula ba alunu sira pré-eskolar nian, ladún iha ár-kondisionadu iha sala sira no oráriu sira hosi ezame nian.

Diresaun hosi eskola iha objetivu hosi aumenta sentru edukativu ne'ebé estuda ona alunu na'in 900 resin no iha númeru boot ida iha lista hein nain, hodi buka hadi'a kondisaun sira ne'ebé iha ona.

Catarina Marcelina promete katak sei hato'o mensajen sira ne'e iha Lisboa.

SAPO TL ho Lusa