Imunidade Foun Ba Vicente, Tribunal Seidauk Simu Karta Husi PN

DILI - Atu hasai imunidade foun ba eis Prezidenti Parlamentu Nasional (PN) Vicente Guterres, Tribunal seidauk simu pedidu husi meja foun Parlamentu Nasional (PN).

Tuir Administrador Tribunal Distrital Dili, Juiz Duarte Tilman katak, tribunal seidauk simu pedidu husi PN atu hasai imunidade foun ba tribunal tanba seidauk simu despaisu ka notifikasaun husi PN. Tanba durante nee tribunal hasai imunidade dala hat ba PN, maibe PN rasik la resposta juiz prosesu nia karta maske positivu ka negativu. No too agora tribunal rona deit husi jornalista sira, laos husi PN.

Nia hatutan, nia parte konfirma ona ho juiz prosesu. No juiz prosesu dehan hein deit, sei iha prosesu nia laran. Neebe agora sei iha hela prosesu nia laran, kuandu bainhira PN haruka karta ruma mai tribunal. Mak nunee tribunal foin bele resposta ba imunidade foun nee.

Deklarasaun nee baseia ba Prezidente Komisaun G asuntu Etika Agustinho lay katak, too agora komisaun G seidauk hetan karta notifikasaun tamba meja foun parlamentu foun. Tan nee karta notifikasaun husi tribunal mos tenki foun neebe mai husi tribunal mak meja parlamentu baixa ba komisaun.

Nunee mos Vice Prezidente Parlamentu Nasional Eduardo Bareto katak, meja parlamentu  iha ona planu nomos konsege koalia ona eis prezidente Parlamentu Nasional Vicente Guterres mos konkorda atu hasai nia uminidade. Informasaun kompletu iha STL Jornal no STL Web, edisaun Sesta (13/5/2016). Domingas Gomes

Suara Timor Lorosae