REITOR UNTL: ESTUDANTE IHA DIREITU TUIR ELISAUN, MAIBE LAIHA FERIAS

Reitor Universidade Nasional Timor Lorosae (UNTL), Francisco Miguel Martins hatete, nudar sidadaun Timor-oan estudante UNTL hotu iha direitu atu tuir eleisaun  Suku, maibe  tenki tama mos eskola tuir orariu, tanba  kalendariu Estadu laiha feriadu.

“Elisaun suku ne’e Governu nian, ne’e Governu nia programa  universidade nudar sidadaun e programa Governu  nian e nudar sidadaun ne’ebe diak tenki tuir programa  Governu nian, porijemplu ita sidadaun, estudante mos sidadaun entaun sira mos iha direitu atu ba tuir elisaun, maibe universidade laiha kalendariu ferias,”afirma Reitor UNTL, Francisco Miguel Martins, ba jornalista sira iha nia servisu fatin Kampus Sentral  Dili,  Kuarta (26/10/2016).

Reitor ne’e haktuir, estudante hotu iha direitu atu ba hili nia chefe suku, maibe universidade laiha ferias, tanba ladauk iha orientasaun husi parte Estadu nian atu fo pontu toleransia.

“Universidade laiha fakultativa porke laiha orientasaun husi Estadu atu toleransia do pontu ka universidade bele hasai  fakultativa tanba tuir kalendariu akadaemiku mos laiha tuir kalendariu sivil mos laiha,”haktuir reitor UNTL.

Ho rajaun ne’e estudante no professores sira ne’ebe mak hakarak ba tuir elisaun ne’e tuir idak-idak nia inisiativa deit, maibe labele falta mos tanba  laiha feriadu nomos laiha pontu de toleransia.

“Ne’e mak ita hotu tenki kuida,  tanba ita kuida mak buat hotu sei lao los porijemplo ita ba karik tenki husu lisensa labele nonok deit tanba kuandu nonok deit la tama eskola konserteja falta,”Reitor ne’e fo hanoin.

Tuir nia, nudar estudante no sidadaun ne’ebe diak tenki tuir elisaun, maibe mos tenki tuir rega ne’ebe mak iha basa sidauk iha sirkular ida husi parte Estadu atu fo pontu de toleransia no seluk tan. Ola

Jornal Nacional