Maria Vitoria Avansa, Família ho Povu Timor Leste Orgullu

DILI - Kolekta pontu iha primeiru Show ho valor 489 no segunda Show valorn 506 soma total 99 lori pozisaun Timor Leste tur iha tersera klasifikasaun iha Gurpu B no kantora Timoroan  Maria Vitoria kontinua hakat pasu ida  ba oin hodi kontinua kompete iha Dangdut Academi Asia DAA2 2016 iha Jakarta.

Semana  ida ne’e iha Timoroan nain 6 tuir hela komptesiaun iha Dangdut Academi Asia 2 (DAA2) iha Indonesia. Sira nia prejensa lori valor boot ba Publiku iha Timor-Leste. Maske la manan karik iha kompetisaun ne’e, maibe timoroan sira neebe ba kontinua sai orgullhu ba povu timor-leste haree ba kondisaun rai laran kompetisaun iha area muzika rai laran ninia dezenvolvimentu minimu tebes.

Ita bele haree realidade palku muzika iha dili laran sura ho liman, palku id aiha Televizaun Timor leste TVTL, palku ne’e ninia funsionamentu barakj liu ba muzika rocker, entkuantu palku seluk iha sentru konvensaun de Dili bai bain uja det ba serimonia estadu nian. No mos palku seluk iha sekretariu estadu ba juventude no desportu (SEJD) barak liu funisona ba konsertu banda lokal ho klase banda muzika amador.

Timoroan nain neen lori retornu sosiál boot ba povu, retornu ida ke labele sosa ho osan. Ho razaun tan det timoroan sira sai iha televizaun famozu sira iha Indonesia hanesan Indosiar no mos kantór timoroan sira nee lori timor-leste nia naran kompete artista hosi nasaun seluk.

Horseik, Timor Post konsege ba too iha Cristina ninia hela fatin, hodi hasopru ninia familia. Iha biban ne’e Diariu ne’e konsege dada lia ho Maria ninia inan.

“Ami sente kontente hosi inan aman no família tomak, liuliu lori mós nasaun nia naran hodi ba kompete,” lia ne’e expresa hosi Cristina da Costa, ba Timor Post iha ninia rezidénsia Aitarak laran, (27/10).

Kondisaun uma simples, fasilidade iha laran iha sasan ne’ebé la ho folin nebe karun karun, maibe hosi familia ne’e ofrese ona ba Timor Leste sira ninia oan feto hodi hetan oprtunidade ida ke timor oan seluk susar atu hetan.

“Hahu hosi faan kanku hodi hamorin apa ho ama nia naran família nomós nasaun Timor Leste nia naran,”

Ne’e mak espresaun hosi Antonio Borges ho idade tinan 55, nudar aman hosi Maria Vitoria. Bainhira hatan ba jornalista sira kona ba asuntu kondisaun familia nian, Anotnio ho emosaun triste no mata wen turu.

“Loos duni, hau maka ho hau nia oan faan kanku momentu ne’eba,” Antonio hatan lia ne’e hafoin ninia silensiu no tama ba kuartu laran purvolta minutu lima. 

Antonio hatan lia ne’e hodi konforima katak espresaun neebe hatoo hosi ninia oan feto ba ekipa juri iha Canal Indonézia Indosiariha loron kuarta (26/10) kalan.

Ba publiku Timor Leste ne’ebé la asiste iha Indonesia parese la dun hatene klaru. Maibe apresentasaun hosi Maria iha palku halo ekipa juri sira mós mata wen turu. “Nia uluk hahú kanta iha ho idade tinan 4, iha krise 2006 halai ba Idp’s maske nia kiik oan,  nia ba hasoru ema no kanta hibur ema iha fatin barak,” Maria ninia inan konfesa lia ne’e hodi konta tuir kona ba maria ninia evolusaun ba ninia kareia Muzika.

Cristina haklaken, Desde kiik to agora Maria halibur prestasaun, tuir observasaun Diario ne’e iha ninia uma haree iha tasa sia maka tidin hela iha armari leten, Tasa prestijiu ida maka tasa ho naran hosi Bispu Matebian Dom Alberto Ricardo da Silva. Tasa seluk Dom Bosco.

Ninia ama haktuir, bainhira ho idade idade minor tinan 2 too 4, nia akompanha muzika iha TV, haree artista Indonézia sira ninia performansia iha TV no konvense nia atu desenvolve ninia talentu ba oin.

Realidade hatudu momós, Maria ninia performansia iha Palku DAA2 boot demais,  no luxu nakonu ho artista no kantora famozu sira iha Ázia maibe lahalo Maria nakdedar so ninia frakeza maka bainhira koalia Lian Indonesia laduun mós.

Maske Juri kantora senior profesional SoimahPancatwatiharuka halo koreksaun ba errus balun ne’ebé komete hosi Maria, kantora Timor oan ne’e konsege halo kedas koreksaun ba ninia performanisa hafoin nia kanta muzika ho títlu terisih.(LJ27/L13/LJ33/LJ11)

Timor Post