PN Seidauk Ajenda Espesialidade Ba LPV

DILI – Publiku kontinua hein wainhira los mak Reprezentante Povu iha uma fukun Parlamentu Nasional (PN) halo ajenda ba diskusaun espesialidade ba alterasaun Lei Pensaun Vitalisia (LPV).

Tuir Vise Prezidente Parlamentu Nasional (PN), Eduardo de Jesus Barreto katak, Lei Pensaun Mensal Vitalisia sira seidauk halo ajenda, tanba sei halo debate ba Orsamentu Jeral Estadu (OJE) tanba OJE mak ran estadu ida nee nian.

Preokupasaun mak Ida nee ami sei prekupa hela ho orsamentu jeral estadu aprova tiha hotu mak ami haree fali prioridade lei sira neebe kea mi atu aprova inklui alterasaun ba lei pensaun mensal vitalisia,” dehan Eduardo ba STL iha PN-Dili, Sesta (28/10/2016).

Eduardo haktuir, too agora Seidauk iha data fiksu tanba sira sei prekupa hela ho orsamentu jeral estadu, ajenda ona ka lae tama ba espesialidade. Depois orsamentu tenke tama ona ba espesialidade.

Iha fatin ketak, Prezidente PSD, Joao Gonsalves dehan, lei pensaun mensal vitalisia nee PSD rasik lakonkorda tanba lei nee sei kria instabilidade ba ekonomia iha Timor Leste. Informasaun kompletu iha STL Jornal no STL Web, edisaun Sabado (29/10/2016). Raimundo S. Fraga

Suara Timor Lorosae