Timor-Leste ho rekord ba feto eleitu sira iha lokal maski ho númeru ki'ik

Total ida hamutuk feto na'in 21 maka eleitu ona nu'udar xefe suku sira nian, ne'ebé ekivale ba freguezia sira, iha Timor-Leste, hanesan dobru hosi na'in 11 ne'ebé eleitu iha tinan 2009, maibé nia númeru sei reprezenta minoria ida iha xefia hosi suku nasional sira hamutuk 442.

Amândio Sousa, diretór hosi apoiu ba eleisaun lokal sira, ne'ebé nia volta daruak hala'o tiha ona iha loron-domingu iha Timor-Leste, konfirma ona ba Lusa katak feto na'in 21 hetan eleitu hodi xefia suku sira.

"Hanesan aumentu ida boot relasionadu ho tinan 2009, bainhira eleitu de'it na'in 11", nia hatete no subliña mós katak sei halibur informasaun kona-ba eleisaun sira ba xefe hosi aldeia hamutuk 2.225 iha nasaun ne'e.

Maski iha aumentu komparativu, lideransa hosi feto sira iha suku sira sei hanesan ki'ik aumenta hodi 2,49% ba 4,75% hosi total, númeru sira ne'ebé iha liña ho númeru sira hosi rejiaun sudeste aziátiku no pasífiku nian.

Estudu ida hosi tinan 2014 nia rohan hosi Programa ONU nian ba Dezenvolvimentu UNDP) hatudu katak feto sira lidera entidade lokal sira iha de'it 3,9% iha Indonézia, 5,67% iha Vietnam no 6,4% iha Tailándia. Valor ne'ebé aas liu maka iha Filipina ne'ebé liu 25%.

Igualdade jéneru iha númeru ne'ebé la hanesan iha estrutura sira seluk iha Timor-Leste hanesan iha Parlamentu Nasional ne'ebé iha feto na'in tolu entre elementu na'in neen hosi Meza no feto na'in 24 entre deputadu na'in 64 (kuaze 37%).

Iha Governu, reprezentasaun hosi feto sira hanesan ki'ik, ho de'it na'in ualu hosi kuaze elementu na'in 40 hosi ekipa governativu (20,5%), laiha feto ida iha lideransa hosi munisípiu sira nasaun nian.

ONU destaka importánsia hosi reprezentasaun feto sira nian iha Governu no autoridade lokal sira, ho estudu sira iha Índia, hanesan ezemplu, hodi hatudu katak númeru hosi projetu sira bee-moos nian iha zona sira ne'ebé lidera hosi feto sira maka 62% aas liu duké zona sira ne'ebé lidera hosi mane sira.

Fó hanoin katak hala'o daudaun prosesu hodi hili responsável sira iha suku hamutuk 442 ne'ebé seie jere ho estrutura haat: Konsellu Suku nian, xefe suku nian, Asembleia Aldeia nian no xefe aldeia.

Konsellu Suku, órgaun hodi foti desizaun hosi suku, kompostu hosi xefe Suku no xefe sira Aldeia nian, delegada na'in ida no delegadu na'in ida iha aldeia ida, reprezentante ida no reprezentante hosi juventude ida hosi aldeia ida-idak no lia-na'in ida.

Xefe Suku hanesan órgaun ezekutivu suku nian, eleitu ba mandatu sira tinan hitu ne'ebé bele renova de'it dala ida.

Asembleia Aldeia nian forma hosi sidadaun tomak ne'ebé iha liu tinan 16 ne'ebé hafoin ne'e hili xefe Aldeia nian.

Prosesu eleitoral marka ona ho krítika balun kona-ba iregularidade ne'ebé Governu rejeita ona hodi hatete katak prosesu ne'ebé hili ba votu ne'ebé, tuir esplikasaun, aprova tiha ona hosi partidu tomak ne'ebé iha prezensa iha parlamentu.

Polísia Nasional Timor-Leste nian rejista ona insidente ki'ik balun iha loron sira votasaun nian maibé laiha gravidade ida.

SAPO TL ho Lusa