Prezidente
hosi Liga Guiniense ba Direitu Ema nian, Augusto da Silva, hatudu, iha
loron-kinta ne'e, dúvidu ho deklarasaun sira hosi xefe Estadu, José Mário Vaz,
ne'ebé hatete katak maski iha kbiit hodi manda oho ka baku sidadaun sira nia
sei la halo asaun ruma.
Tuir
líder hosi Liga Direitu Ema sira nian, Prezidente guiniense afirma ona, iha
deklarasaun sira iha okaziaun hosi nia festa tinan nian iha findesemana liubá,
katak durante nia mandatu "sei la oho ema ka baku ema ida ho orden hosi Prezidente".
Reaje
ba deklarasaun sira hosi José Mário Vaz nian, prezidente hosi Liga hatete katak
senti dúvida no indignadu, fó hanoin katak Konstituisaun guiniense "la fó
kbiit sira hanesan ne'e ba xefe Estadu".
"Prezidente
Repúblika nia deklarasaun sira husik ami, tomak, ho dúvida. Rona xefe Estadu
ne'ebé afirma katak iha kbiit hodi manda oho, manda baku ka kaer sidadaun sira
maibé sei la halo buat sira ne'e tanba lakohi, ne'e hanesan preokupante",
defende hosi Augusto da Silva.
Ko'alia
ho lian kriolu ba jornalista sira bainhira hakotu konferénsia ida kona-ba
impunidade iha Guiné-Bissau ne'ebé halo iha Institutu Nasional hosi Estudu no
Peskiza sira (INEP), iha Bissau, iha loron-kinta ne'e, dirijente hosi Liga
Direitu Ema sira nian hein katak iha esklaresimentu ida hosi Prezidente
guiniense nian "hodi hatene di'ak" saida maka José Mário Vaz hakarak
hatete loloos.
Dirijente
hosi Liga hatete katak Prezidente Repúblika nia kbiit sira "hetan limiti
hosi Konstituisaun" nasaun nian no laiha momentu ida ne'ebé haree katak
xefe Estadu ida bele manda oho, prende ka baku sidadaun.
"Iha
kazu konkretu hosi Guiné-Bissau nian entidade Estadu labele haruka oho",
Augusto da Silva hatete.
SAPO
TL ho Lusa
Sem comentários:
Enviar um comentário