Xanana Gusmão fó 'aula' kona-ba futuru CNRT nian ba militante hosi partidu bot ne’e

Forsa partidu nian, mai hosi kapasidade, koñesimentu no esperiénsia ninia líder nian no ninia kapasidade hodi rona povu ninia aspirasaun, tenik Xanana Gusmão horisehik, iha Dili. 

Prezidente hosi Congresso Nacional da Reconstrução Timorense (CNRT) – hanesan partidu ne’ebé ninia ema barak liu iha parlamentu – horisehik kalan, ho ninia militante no dirijente besik 250, fó “aula” polítika ida kona-ba pasadu, prezenta no futuru partidu nian.

Sorumutu ne’e hala’o hodi aprezenta livru ho títulu "Hari, Hametin no Haburas Partido CNRT" no ne’ebé dirijente istóriku nian, apela kona-ba responsabilidade no mobilizasaun hosi ninia apoiante sira.

Livru ne’ebé ko’alia barak liu kona-ba polítika, inklui mos testu no diskursu oioin hosi Xanana Gusmão nian, ho Manuál Partidu, ho mos testu seluk hosi dirijente importante CNRT nian seluk, hanesan hosi sekretáriu jerál, Dionísio Babo (atuál ministru Estadu, Kordenadór ba Asuntu Administrasaun Estadu no Justisa ho ministru Administrasaun Estatál).

Organiza hosi eis-sekretáriu Estadu Seguransa, Julio Tomás Pinto, livru ne’e mos konta ho testu hosi atuál prezidente Parlamentu Nasionál, Adérito Hugo da Costa, atuál ministru Estadu no Prezidénsia Konsellu Ministru, Agio Pereira, ho eis-prokuradór jerál adjuntu, Amândio de Sá Benevides.

Aprezentasaun ba livru ne’e, hala’o wainhira atensaun polítika iha Timor-Leste, relasiona ho kalendáriu eleitorál 2017, hodi hala’o eleisaun prezidensiál iha fulan marsu no lejislativa iha fulan jullu.

Xanana Gusmão haktuir hikas kona-ba sitória CNRT nian ne’ebé Hari ho formatu tinan 10 de’it ba eleisaun 2007, Hametin iha eleisaun 2012 no agora hakarak Haburas ninia influénsia iha eleisaun 2017.

Nia dehan, ida ne’e maka importante liu duke buka kadeira iha Governu, parlamentu ka iha administrasaun rejionál no dirijente ho militante lokál sira hakarak haburas sira-ninia koñesimentu, dezenvolve sira-ninia kbi’it téknika no aperfeisoa sira-ninia serbisu.

Bainhira defende papel “importante”hosi partidu nian, ba konsolidasaun demokrátika, Xanana Gusmão dehan katak forsa polítika hothotu tenke “defende Estadu” tanba bainhira Estadu laiha, maka sei lapresija partidu sira.

Partidu ida ne’ebé “laiha koñesimentu, laiha espesialista ba área oioin, laiha kbi'it hanesan partidu ne’ebé fraku ka laiha forsa”, dehan hodi hatutan tan katak dirijente no militante partidu nian tenke “metin”.

Lori hakerek na’in hosi testu livru nian, Agio Pereira, haktuir hikas kona-ba istória polítika Timor-Leste nomós papel partidu nian sira, ba evolusaun luta ukun-aan no konsolidasaun Estadu direitu.

Papel importante hodi “hariku vivénsia demokrátika” no prosesu ida ne’ebé CNRT halo “hodi kontinua ho reforma no rejuvensesimentu hosi partidu atu nune’e ninia apel ativu nafatin no vital ba demokrasia”. Timor-Leste iha 2017, sei hala’o eleisaun prezidensiál no lejislativa.

SAPO TL ho Lusa