Eis-MNE timor-oan fo-sai kandidatura independente ba Prezidénsia Repúblika

Eis-ministru Negósiu Estranjeiru timor-oan José Luis Guterres iha ohin fó sai ba Lusa katak nia sei ba aprezenta hanesan kandidatu independente ba eleisaun prezidensiál 20 fulan-marsu iha  Timor-Leste.

"Ha'u sei sai hanesan kandidatu independente atu bele hetan apoiu timor-oan sira no hosi partidu sira seluk ka hosi ema balun ne’ebé laiha partidu ba iha futuru, karik eleitu, sai hanesan Prezidente timor-oan hotu nian", afirma ba Lusa iha Díli.

José Luis Guterres, fundadór ida hosi Frente Mudança (FM) - exsizaun ida hosi Fretilin– agora ida hosi deputadu na’in rua partidu iha Parlamentu Nasionál, funsaun ne’ebé asumi hafoin sai husi Governu iha janeiru 2015.

Diplomata timor-oan, ne’ebé hahú ninia karreira integra iha frente diplomátika rezisténsia timor-oan durante  okupasaun indonézia, hafoin restaurasaun independénsia sai embaixador Timor-Leste nian iha  Washington ne’ebé ikus mai okupa moos kargu vise-primeiru-ministru.

"Ha’u koa’lia ona ho dirijente FM hodi  fahe opiniaun katak ba sirkunstánsia atuál di’ak liu sai  kandidatu laós partidáriu, kandidatu independente atu sira seluk bele sente konfortável hodi fó apoio ba ha’u nia kampaña no kandidatura", nia hatete.

José Luis Guterres, koñesidu ho Lugu, esplika katak  karik kandidatu tanba  konsidera "importante fó  kontinuidade ba kontributu" ne’ebé iha tiha ona iha nível "tantu internasionál hanesan moos  nasionál" ba Timor-Leste.

"Disponibiliza  mai ha’u dala ida tan atu servi povu Timor-Leste no karik  eleitu hanesan  Prezidente Repúblika sei serbisu ho  máximu atu apoiu populasaun hotu iha nasaun",nia  afirma.

Ema timoroan liu  747 resenseadu ona atu vota iha eleisaun  prezidensiál 20 marsu, no prevé moos realizasaun ba eleisaun  lejislativu iha fulan- jullu.

To’o agora  aprezentada ona kandidatura tolu: prezidente Fretilin atuál, Francisco Guterres (Lu-Olo), António Maher Lopes (Fatuk Mutin), ne’ebé apoiu  hosi  Partido Socialista de Timor (PST),  no José Neves, eis-vise-komissáriu Comissão Anticorrupção (CAC), ne’ebé  aprezenta hanesan independente.

Kandidatura sira ba xefe Estadu tenki formaliza iha Tribunál Rekursu to’o  05  fulan-fevereiru.

Tribunál Rekursu komunika ba Sekretariadu Tékniku Administrasaun  Eleitoral (STAE)  no ba Komisaun Nasionál Eleisaun (CNE) lista ba kandidatura ne’ebé  admite iha 18 fevereiro no STAE sei divulga  ba públiku entre 19 to’o  21 fevereiru. Iha  18  flan- fevereiru sei fó sai lista ba sentru votasaun  no meza votu sira.

Períodu kampaña ba votu prezidensiál  sei hala’o  entre 03 no 17 marsu, votasaun iha 20 marsu no no apuramentu ba rezultadu sei  konklui  entre 23 to’o  25 fulan-marsu.

Sei iha moos períodu aprezentasaun eventuál rekursu ida kontra rezultadu nasionál ne’ebé hafoin  publikasaun hosi Jornál Repúblika  iha  02 abril.

Karik kandidatu ida lahetan liu 50% ba  votu  sei iha segunda volta, loron  20 abril, ho kampaña sei hala’o entre 03 no 17 abril no apuramentu ba  rezultadu sei realiza entre 23 to’o  25 abril.

Tribunál Rekursu sei  publika akórdaun ho rezultadu finál votu iha 03 maiu ne’ebé permite ba pose Xefe Estadu iha  20 maiu, loron ida ne’ebé sei komemora  aniversáriu restaurasaun independénsia Timor-Leste nian badala 15º.

SAPO TL ho Lusa