Diretor FONGTIL: Xanana Hirus Ema Balun

DILI – Karta aberta neebe mak Eis Primeiru Ministru (PM), Kay Rala Xanana Gusmão publika iha loron 25 Janeiru 2017, nee parte ida atu bolu atensaun ba Timor oan hotu.

Iha karta nee mos, nia (Xanana) latau nia kargu no naran lolos hanesan Eis Primeiru Ministru (PM), Eis Prezidente ka Ministru Planeamentu no Investimentu Estratejiku (MPIE), Kay Rala Xanana Gusmão maibe, tau deit Soharto Timor Leste.

Tuir Diretor Exekutivu FONGTIL (Forum Organizasaun Naun Governamental Timor Leste), Arsenio Pereirra hatete, nia (Xanana) tau fali naran Soeharto Timor Leste nee hatudu katak nia hirus ema balun.

Hau hanoin ida nee laos kodigu uluk iha ailaran, foin dadauk mak nia tau ida nee, ita halo analiza didiak katuas hirus ema balun,” Diretor Exekutivu FONGTIL, Arsenio ba STL iha nia knar fatin FONGTIL, Caicoli-Dili, Segunda (06/02/2017).

Diretor Exekutivu FONGTIL haktuir, tanba ita haree ba situasaun politiku ohin loron ema hotu haree no kritika nia (Xanana) hanesan inimigu boot ida ba rai no povu ida nee tanba nee mak nia tau Soeharto.

Iha sorin seluk Observador Politika-UNDIL, Francisco Mausoro esplika, karta aberta neebe mak katuas Xanana fo sai ita haree ba kestaun politika nee iha aktus barak. Raimundo S. Fraga

Suara Timor Lorosae