Povu Husu Esplikasaun Estudu Viabilidade Projetu ZEESM-Tasi Mane

DILI - Povu balun hakarak hatene estudu viabilidade husi governu hodi implementa projetu Zona Ekonomia Espesial Sosial Merkadu (ZEESM) iha Oe-Cusse no Projetu tasi mane iha Suai, tamba too agora governu seidauk esplika ba povu.

Preokupasaun nee fo sai husi Celestinho Gusmao nudar povu suku Bidau Santana wainhira Partisipa iha Dilogu komunitaria, neebe Prezidente Republika Taur Matan Ruak halao ho povu suku Metiaut.

Tama iha sesaun husu no hatan, Celestinho hatete nia parte hakarak kofirma kona ba Estudu viabilidade ba projeitu Tasi mane no ZEESM iha Oe-cusse neebe uluk prezidente kestiona iha parlamentu hetan ona responde.

Hau hakarak husu prezidente Estudu Viabilidade ba projeitu tasi mane no ZEESM neebe uluk prezidente preokupa karik hetan ona kopia husi governu,hau hakarak atu hatene,” dehan Celestinho durante durante Dialogu, Sabado (04/02/2017) iha sede suku Metiaut.

Nia hatete durante nee akompaina prosesu dezenvolvimentu neebe lao maibe seidauk hare publikasan kona ba projeitu boot sira hanesan Tasi mane, Auto Estrada, Airo portu no mos Projeitu ZEESM iha Oecuse.

Hatan ba Preokupasaun nee, Prezidente Republika Taur Matan Ruak hatete projetu neebe mak lao, nia parte iha koinesementu maibe estudu neebe mak governu halo seidauk konvense. Timotio Gusmao

Suara Timor Lorosae

LEE MÓS IHA SUARA TIMOR LOROSAE