Kandidatura na’in ualu aprezenta ba eleisaun iha Timor-Leste, neen sei iha verifikasaun

Tribunal Rekursu timoroan  simu to’o  domingu, data limite, kandidatura na’in ualu ba eleisaun prezidensiál 20 fulan- marsu iha  Timor-Leste,  hosi sira na’in neen  sei iha  verifikasaun, hatete ba Lusa prezidente tribunál.

"Ho totál ami simu kandidatura ualu, hosi sira rua kumpri ona rekizitu no neen  sei halo hela  verifikasaun ho Secretariado Técnico de Administração Eleitoral (STAE)", afirma Guilhermino da Silva.

"Hafoin verifikadu hotu, sei anunsia kandidatu na’in hira maka  admite no ikus mai, iha 16 fevereiru, ami sei hala’o sorteiu hodi fó ordein ba kandidatura sira iha boletin votu nian", nia haktuir.

Kandidatura sira - menus lima kompara ho sira ne’ebé aprezenta iha eleisaun prezidensiál 2012 – hetan submete ba Tribunál Rekursu entre 23 janeiru to’o  05 fevereiru, loron ikus tuir  prazu ne’ebé prevé iha kalendáriu eleitorál aprovadu ba votu 20 fulan-maiu.

José Neves, eis-komissáriu Komissaun  Antikorrupsaun (CAC), sai dahuluk  aprezenta ninia kandidatura ba tribunál ( iha 23 fulan-janeiru), hafoin loron rua Amorim Vieira, timoroan ida ne’bé hela iha  Eskósia  no konsege sai militante hosi  Scottish National Party em East Killbridge.

Loron 01 fulan- fevereiru aprezenta kandidatura Antono Maher Lopes (apoia hosi Partido Socialista de Timor)  iha loron 03 fevereiru aprezenta kandidatura hosi  Ângela Freitas, atuál prezidente Partido Trabalhista (PT)  no António da Conceição, ministru Edukasaun, apoia  hosi  Partido Democrático (PD).

Iha loron haat  04 entrega ba  tribunál dokumentasaun kandidatura Francisco Guterres (Lu-Olo), prezidente Fretilin no eis-prezidente Parlamentu Nasionál.

Ikus liu iha  domingu, 05 fulan- fevereiru, entrega kandidatura José Luis Guterres, eis-ministru Negósius Estranjeirus no atuál deputadu Frente Mudança (FM),  no Luis A. Tilman, ne’ebé seidauk bele asesu informasaun adisionál.

Lu-Olo hanesan  kandidatu ne’ebé  aprezenta assinatura liu ( rihun 13), tuir fali  António da Conceição ( rihun 9) no José Luis Guterres ( besik 7.700).

Acilino Manuel Branco, diretór-jerál STAE, esplika ba Lusa katak  prosesu verifikasaun atu hatene karik kandidatura kumpre lei, liliu sé iha  pelumenus assinatura 5.000 hosi sira 100 hosi kada munisípiu timoroan 13.

"Hosi  kandidatura sira deteta irregularidade barak, entre sira númeru assinatura lato’o, duplikasaun ba assinatura -  hosi ema hirak ne’ebé apoia liu  duké kandidatu ida - no assinatura timoroan ho menór idade", nia esplika.

Bainhira deteta irregularidade STAE notifika ba Tribunál Rekursu no  notifika ba kandidatura katak iha loron rua atu hadi’a saida maka falta, hafoin hetan verifikasaun foun fila fali hosi STAE.

"Ita hein katak bele konklui verifikasaun hotu ba kandidatura na’in neen iha ohin  no hafoin   informa ba Tribunál Rekursu", esplika Acilino Branco.

Tribunál komprova ho  definitivu kandidatura ne’ebé  aseite, sei realiza  iha 16 fulan-fevereiru ba  sorteiu kona-ba  ninia kolokasaun  iha  boletim  votu, kabe ba STAE halo  divulgasaun públika entre 19 no 21 fevereiru.

Períodu kampaña ba votu prezidensiál hala’o  entre 03 no 17 fulan-marsu, votasaun sei hala’o  iha 20 marsu no rezultadu  provizóriu sei konklui entre 23 to’o 25 marsu.

Diretór-jerál STAE  informa ba Lusa katak  eleisaun prezidensiál tenki  ho meza 941 iha votu hosi sentru votasaun  693, ne’ebé   obriga kontrasaun funsionáriu  rihun 10 ba akompañamentu eleitorál.

Tuir , STAE konta ho funsionáriu 120 iha nível nasionál, liu rua kada  ida hosi  postu administrativu 67 nasaun nian.

Halo   kontrata  ba 'brigadista' 693 - responsável hosi kada sentru votasaun ida -  no ofisiál eleitorál 9.410, sanulu kada ida hosi meza votu ida.

STAE simu ona solisitasaun ba akreditasaun hanesan  observadór ba  delegasaun Uniaun  Europeia ida no seluk seluk International Republican Institute (IRI).

Prazu ba aprezenta pedidu akreditasaun termina iha  13  fulan- marsu, loron hitu molok  eleisaun prezidensiál.

SAPO TL ho Lusa