KOMUNIDADE VILA VERDE BALUN HAMLAHA, PR FOUN TENKI HAREE POVU

Timor Leste (TL) hetan ona ninia independensia ba dala sanulu resin lima (15) maibe, populasaun balun iha Suku Villa Verde sei enfrenta hela hamlaha.

Liu hirak ne’e hato’o husi  komunidade sira  iha Suku Vila Verde, wainhira dialogu ho Prezidenti Republika (PR), Taur Matan Ruak, iha Edifisiu Prezidenti Administrador Munisipiu Dili, Segunda (30/01/2017).

Komunidade husi Aldeia Mate Moris, Suku Villa Verde, Maria de Araujo  hateten oras ne’e  dadaun ba sira ne’ebe hela iha Suku Villa Verd,e Aldeia Mate Moris enfrenta hela hamlaha, tanba udan been la mai aihan ne’ebe sira kuda mate hotu.

“Ami halo to’os udan la mai, batar mate hotu, Suku Villa Verde, Aldeia Mate Moris, agora dadaun hamlaha tanba aihan ne’ebe kuda ne’e habai iha loron laran to’o mate,” Maria de Araujo, hato’o prekupasaun ne’e ba PR Taur Matan Ruak.

Maria husu ba PR Taur atu haree kestaun ne’e hodi sujere ba Ministeriu ne’ebe tutela hodi responde emerjensiamente, tanba kondisaun povu barak mak sofre duni husi mudansa klimatika.

PR Taur Matan Ruak hateten, iha populasaun hamlaha Estadu preparadu atu ajuda, maibe tenke fo naran ba xefe suku sira, autoridade postu hodi identifika populasaun hira mak infrenta problema aihán ka hamlaha.

“Ita hatene katak tinan kotuk, tinan ida ne’e udan bén ladiak, tinan kotuk ha’u hetan informasaun husi ita Perimeiru Ministru sei halo levantamentu konaba hahan ne’ebe laiha no Estadu prepara atu bele ajuda maibe karik iha ita bo’ot sira nia aldeia infrenta,” hateten PR Taur.

Iha okiziaun ne’e mos, Prezidente Autoridade Munisipiu Dili, Gaspar Soares hirus Xefe Suku Villa Verde tanba la kontrola povu sira enfrenta problema hamlaha.

“Hau hakarak bolu atensaun ba aman Liurai Villa Verde no Xefe Aldeia kona ba situasaun ida ne’ebe komunidade sira hateten katak hamlaha Xefe Suku ho situasaun hanesan ne’e ha’u hirus, ha’u hirus tanba saida ne’e hatudu katak Xefe Suku no Xefe aldeia la hakbesik-án ba komunidade,”  afirma Gaspar Soares.

Gaspar konta tuir situasaun hanesan iha pasadu nian iha Postu Administrativu Atauru mos hanesan ne’e, tanba ne’e situasauun sira ne’e ba futuru labele akontese tan.

“Uluk situasaun hanesan ne’e, akontese iha Atauru, ha’u hirus tanba ida ne’e hatudu katak ita la atensaun ba komunidade nia moris,” Gaspar konta tuir.

Iha biban ne’e, PR Taur Matan Ruak mos relsa katak, Prezidenti Republika (PR) foun ba period 2017-2022 tenki haree didiak povu no tau matan ba nasaun nia diak.

PR Taur hateten, se deit maka eleitu ba PR 2017-2022 tenk haree didiak povu no hakbesik án naftin ba povu . La bele iha tempu kampnaha maka halai tun sae buka povu nia votus, mas ukun tiha haksumik fali an husi povu hodi helik deit iha Palacio Pezidensial nia laran.

“Kandidatu ne’ebe ita bo’ot sira fo fiar ida ne’e mak sei sai ita nia prezidenti, ha’u sei intrega knar ne’e ba nia hodi tau matan ba ita nia nasaun iha periodu tuir mai,” hateten PR Taur. eus   

Jornal Nacional Diário