Ana Gomes felisita "dalan notável" hosi timoroan sira dezde independénsia

Iha loron-sesta ne'e, eurodeputada portugeza Ana Gomes konsidera "notável tebes" dala ne'ebé maka timoroan sira halo ona dezde restaurasaun independénsia iha tinan 2002, hatudu faktu pozitivu tanba nasaun organiza mesak hela eleisaun prezidensial dahuluk sira.

"Hanesan asumi vontade ida hodi hametin eleisaun moos, loos hosi parte timoroan nian. No asumi responsabilidade sira ne'e hanesan pozitivu", nia hatete ba Lusa bainhira t'oo iha Díli no sei lidera misaun hosi observador sira hosi Parlamentu Europeu ba prezidensial sira loron-segunda nian.

Eleisaun sira loron-segunda, ne'ebé partisipa hosi kandidatu na'in ualu, hanesan eleisaun dahuluk sira ne'ebé maka autoridade timoroan sira organiza lahó asisténsia tékniku hosi ONU, ne'ebé apoia ona votu prezidensial sira iha tinan 2002, 2007 no 2012.

"Ema timoroan sira iha ona experiénsia boot ida no buat pozitivu ida maka ha'u hatete beibeik maka iha nafatin vontade hodi hadi'a buat ne'ebé maka tenki hadi'a no hodi aprende. Razaun ida ne'ebé maka halo ona misaun eleitoral sira hanesan kompensador maka iha nafatin vontade boot ida hodi aprende no hodi rona rekomendasaun sira ne'ebé maka misaun sira observasaun eleitoral nian halo ona iha Timor. Ne'e hanesan pozitivu", nia afirma.

Ho ligasaun ne'ebé espesial ho Timor-Leste - iha tinan 1999 nia sai nu'udar embaixadora Portugal nian iha Jakarta bainhira ema timoroan sira vota ba independénsia - Ana Gomes hatete ona katak vizita hanesan mós oportunidade ida hodi haree oinsá maka nasaun ne'e evolui.

"Ha'u mai Timor ho satisfasaun pesoal maka'as. Ha'u hatene katak prosesu dezenvolvimentu nian, konsolidasaun nian nunka tuir dalan hanesan maibé bainhira ha'u haree ba kotuk hanesan notável tebes dalan ne'ebé maka ema timoroan sira halo ona iha tinan hirak nia laran hosi independénsia", nia hatete.

Hanesan ba dala uluk maka Marisa Matias vizita Timor, eurodeputada portugeza seluk ne'ebé halo parte hosi membru na'in hitu hosi parlamentu europeu ne'ebé destaka iha Timor-Leste ba observasaun eleitoral.

"Maski nasionalidade hosi eurodeputadu sira la'ós hanesan determinante hanesan importante tanba razaun sira hosi koñesimentu istória nian, rai laran nian, hosi sira ne'ebé sai hanesan situasaun polítika iha tinan hirak ikus ne'e", nia hatete ba Lusa bainhira to'o iha Timor-Leste.

Pela primeira vez em Timor-Leste está Marisa Matias, a outra eurodeputada portuguesa que integra a delegação de sete membros do parlamento europeu destacados em Timor-Leste para a observação eleitoral.

"Hanesan eleisaun dahuluk sira ne'ebé maka la akompaña hosi ONU no autoridade timoroan sira husu ona partisipasaun hosi UE, iha ema portugés sira hanesan vantajen ida ne'ebé entre sira na'in rua ida maka hanesan Ana Gomes, iha aumentu ida", nia hatete.

Marisa Matias, ne'ebé sei akompaña prosesu eleitoral iha sidade boot daruak, iha Baucau, konsidera ona hanesan pozitivu atu kampaña bele halo lahó insidente sira.

Aleinde eurodeputada portugés na'in rua, to'o ona iha Dìli españól Javier Nart.

Iha loron-sábadu, iha ona períudu reflesaun nian, sei to'o iha Timor-Leste eurodeputadu na'in haat seluk ne'ebé halo parte iha misaun, italiano Ignazio Corrao, alemaun Joachin Zeller, españól Juan Fernando López Aguilar no letã Inese Vaidere.

Eurodeputadu na'in hitu, entre sira maka konta ho blokista Marisa Martins, kalkula ona enkontru ho kandidatu prezidensial na'in ualu no mós ho autoridade timoroan sira, partidu polítiku sira no reprezentante sira hosi sosiedade sivil.

Iha ajenda hosi eurodeputadu sira iha mós enkontru ho Prezidente Repúblika Taur Matan Ruak, primeiru-ministru Rui Maria de Araújo no ho eis-Presidente sira: Xanana Gusmão ho José Ramos-Horta.

Iha loron-segunda, loron votasaun, eurodeputadu sira hametin observasaun iha fatin vota sira nian iha Díli no iha fatin sira hanesan Liquiçá, Manatuto, Metinaro ho Baucau.

Eurodeputadu sira hamutuk ho ekipa ida ho observador na'in 16 ne'ebé hahú ona iha loon 24 Fevereiru hodi instala ekipa iha munisípiu ualu Timor-Leste nian, ne'ebé sei akompaña iha fulan hirak tuirmai eleisaun lejislativu sira nasaun nian.

Observador sira ne'e, ne'ebé sei hamutuk mós ho ekipa ida ho espesialista eleitoral nian na'in hitu, halo parte hosi misaun ofisial observasaun UE nian, lidera hosi eurodeputada baska Izaskun Bilbao Barandica.

SAPO TL ho Lusa