Jornalista Sei Halo Boikota Latuir Eleisaun Prezidensial 2017

DILI - Relasiona ho lei eleisaun Prezidensial nian neebe revizaun husi Parlamentu Nasional, no promulga husi Prezidente Republika laiha artigu ida mak mensiona konaba jornalista sira vota iha fatin neebe deit.

Tuir Jornalista Timor Post, Acacio Pinto hatete, se lei lafo dalan ba jornalista sira neebe hetan kartaun akreditasaun husi CNE no STAE atu vota iha fatin neebe deit.

Ami (jornalista) sei koordena malu, ami halo press konferensia katak ami sei lahalo kobertura boikota ba iha eleisaun,” dehan Jornalista Timor Post, Acacio liu husi sesaun diskusaun iha serimonia briefing iha salaun STAE, Caicoli-Dili, Sesta (17/03/2017).

Jornalista Timor Post, Acacio haktuir, tinan kotuk 2012 eleisaun prezidensial jornalista sira halo kobertura ba eleisaun prezidensial iha fatin neebe deit bele vota ho livremente, maibe tinan ida nee muda derepente deit.

Iha fatin hanesan, Prezidente Konsellu Imprensa, Virgilo Guterres esplika, pesoalmente preokupadu oituan maibe, sei tenta ho esforsu neebe iha atu kontaktu ho sekretariu estadu komunikasaun social atu bele haree asuntu nee.

Entertantu, Deputadu husi Komisaun A asuntu lei poder lokal, justisa no anti korupsaun, Arao Noe Amaral dehan, ema sira neebe servisu hanesan  funsionariu pibliku, PNTL, F-FDTL, fiskais Partidu politika, observador no Jornalista sira bele vota iha neebe deit. Maibe tenke iha kartaun nasional neebe husi akredita husi STAE, tanba ho kartaun nee bele justifika nia bele vota iha fatin neebe deit. Raimundo S. Fraga

Suara Timor Lorosae