Estudante Kontra Regra Hetan Sansaun Hakneak-Kanta

DILI – Estudante neebe maka tarde iha oras eskola nian professor sira fo sansaun hanesan hakneak no kanta iha oin ho objetivu atu bele hatauk estudante sira labele hatoman ann tarde, no falta eskola.

Iha ami nian eskola karik estudante neebe maka tarde hela deit eskola ami fo sansaun ba sira, sansaun maka hanesan hakneak no kanta iha oin, atu nunee hatauk labarik sira keta falta tan eskola wainhira tarde iha tempu no oras neebe maka iha hanesan 08:00 tama ona kuandu liu oras neebe maka iha ami fo sansaun ba sira,” katak Koordenador Eskola Domingos Magno ba STL iha Salaun 04 Kuluhun, Sesta (15/9/2017).

Koordenador nee mos hatutankatak ba estudante neebe maka falta eskola iha loron ida ka rua tenki halo karta samada ba estudante sira nian inan-aman hodi identifika tanba sa estudante tarde eskola no karik iha preokupasaun ruma ba estudante inan-aman sira tenki fo hatene ba professor sirabele liu husi numeru telephone neebe maka fo ona ba inan-aman sira.

Karik ba estudante neebe maka latama eskola iha loron ida ka rua nian laran la iha justifikasaun ruma ba ami entau ami halo karta ba inan aman sira atu nunee sira mai iha eskola husu tuir ba sira tanba saida maka labarik latama eskola, no karik iha labarik neebe maka moras inan aman tenki fo hatene ba ami katak labarik nee latama eskola tanba moras, bele mai direitamente eskola no bele mos husi numeru telephone neebe maka ami fo ona ba inan aman sira,” katak Domingos.

Nia hatutan fo informasaun ba malu nee importante atu nunee bele kontrola labarik sira, tanba dala barak labarik sira sai husi uma dehan ba eskola maibe too eskola latama sira ba halimar fali iha fatin seluk tanba nee maka halo koordenasaun ba malu nee importante tebes.

Iha fatin hanesan estudante Rizai Soares hatutan sira kuadu tama tarde entau hetan sansaun husi sira nia professor sira, hanesan baku liman, hakneak no kanta iha oin. “Bainhira simu lian tiha maka ami latama eskola entau ami ba fali ami nia professor sira baku ami nian liman, lae haruka ami hakneak, no kanta iha oin,” katak Rizai.

Husi observasaun neebe maka jornalista STL hetan iha terenu katak wainhira estudante sira latama entau professor sira haruka kanta iha oin, no hakneak iha kolega seluk nian oin, ida nee maka jornalista hetan iha eskola 04 Kuluhun wainhira estudante tarde.

Est Untl 4/ Emerenciana Pinto | Suara Timor Lorosae