José Ramos-Horta defende operasaun sira dame ONU nian "sentra liu iha ema sira"

Nobel Dame José Ramos-Horta defende iha loron-kuarta ne'e katak operasaun sira dame hosi ONU tenki iha jestaun ida ne'ebé sentra liu iha ema sira, ho kordenasaun ne'ebé maka'as liu iha kampu, hodi iha liután fasilidade.

"Delegasaun hosi autoridade hanesan importante tebes ba ema sira ne'ebé hala'o serbisu iha kampu no hodi fasilita prestasaun serbisu nian no rekrutamentu", hatete hosi ministru Estadu timoroan, ne'ebé ko'alia iha Konsellu Seguransa ONU nian.

"Ha'u fó korajen ba Estadu-membru sira hodi foti desizaun nesesáriu sira hodi apoia maka'as delegasaun ne'e", nia esplika iha sesaun espesial hosi Konsellu Seguransa nian kona-ba operasaun sira dame ONU nian no ne'ebé ko'alia kona-ba relatóriu hosi painel ba operasaun sira dame nian ne'ebé Ramos-Horta rasik prezidi.

José Ramos-Horta ko'alia iha Konsellu Seguransa hodi Painel Independente Nível Aas kona-ba Operasaun sira Dame nia naran, ne'ebé maka nia prezidi no ne'ebé nia rona ona espesialista sira iha misaun sira dame nian iha mundu tomak, sivil no mós militar sira.

"Defeza hosi mudansa esensial ida hodi aumenta operasaun sira dame nian ne'ebé sentra iha ema sira (…) tenki hetan konsiderasaun hosi lideransa hosi operasaun sira dame nian", nia defende.

"Krítiku ba kredibilidade moral hosi operasaun dame ida hanesan asaun efetivu ida hodi prevene esplorasaun no abuzu seksual", nia destaka mós.

Iha testu, ne'ebé nia fó korajen ba Estadu-membru sira hodi avansa iha aplikasaun hosi rekomendasaun sira, Ramos-Horta hatete ona katak maski rekoñesimentu hosi proposta sira, "mudansa importante sira" ne'ebé defende hosi painel espesialista sira "sei kontinua atu alkansa".

Horta hanoin hikas katak "revizaun tolu hosi dame no seguransa - hosi operasaun sira dame nian, hosi arkitektura hodi harii dame no implementasaun hosi ajenda sira feto nian, dame no seguransa -, halo iha tempu hanesan ba nesesidade importante ba prevensaun hosi konflitu sira ne'ebé iha liu efikásia no serbisu hodi konserva dame antes, durante no hafoin konflitu".

Nia felisita ajenda ida ne'ebé reflete hela iha polítika sira no diresaun sira ne'ebé halo hosi sekretáriu-jeral, António Guterres, evidente iha aspetu sira no mós nia insisténsia iha sistema ida ne'ebé integradu hodi "kompromete iha prevensaun", iha ajenda ida reforma maka'as hosi sistema dezenvolvimentu no arkitektura dame no seguransa nian no mós kriasaun hosi Konsellu Konsultivu hosi Nível Aas kona-ba Mediasaun nian.

António Guterres fó sai iha semana ne'e kriasaun hosi Konsellu Konsultivu foun hodi fó konsellu ba nia kona-ba inisiativu sira mediasaun nian no apoia esforsu sira hosi mediasaun espesífiku nian iha mundu tomak.

Konsellu ne'e kompostu hosi líder mundial atual sira no eis-líder sira na'in 18, inklui Ramos-Horta rasik, no halo parte iha estratéjia hosi "aumentu diplomasia ba dame" no ba serbisu prevensaun no mediasaun ne'ebé ONU bele iha relasionadu ho asuntu ne'e.

"Hanesan líder nasional sira no parte interesadu sira ne'ebé iha responsabilidade prinsipal hosi prevene konflitu sira no envolve iha mediasaun, no ONU tenki buka apoia parseiru lokal sira no rejional sira hosi prevensaun no mediasaun", Ramos-Horta hatete iha nia intervensaun.

Nia hatete katak iha sentidu ne'e ONU tenki "investe iha nia kapasidade sira rasik hodi hala'o prevensaun no mediasaun no iha nia kapasidade hodi ajuda sira seluk, liuliu iha nível nasional sira no rejional".

Ba Ramos-Horta funsaun sira ne'e tenki selu hosi orsamentu ordináriu hosi ONU no la'ós depende hosi finansiamentu voluntáriu, Estadu-membru ida-idak "apoia sekretáriu-jeral iha esforsu sira mediasaun nian, iha área polítika no mós finanseiru".

Entre rekomendasaun sira, nia destaka ona "revizaun hosi misaun sira ne'ebé kleur hodi avalia nia rezultadu" ka avaliasaun independente sira hosi misaun sira dame nian, defende katak "mandatu sira no rekursu sira, espetativu sira no kapasidade sira" tenki hamutuk ho evita falla hosi operasaun sira.

Nia destaka ba propózitu ne'e hanesan importante "parseria sira ho organizasaun rejional sira, iha partikular Uniaun Afrikanu".

SAPO TL ho Lusa