Preosesu Kompania Hong Long Sedauk Remata

DILI - Polisia Nasional Timor Leste (PNTL) hetan autorizasaun husi Ministeiru Publiku (MP) atu prosesu investigasaun ba kumpania Internasional Hong Long nebe halao nia aktividades peska iha Timor sedauk remata.

Lia fuan hirak nee hato husi Komisariu Geral Julio Hornai ba jornalista sira depois remata nia inkontru ho Prezidente Republika Francisco Guterres Lú Olo iha Palasiu Prezidente Bairo-Pite Dili Kinta, (21/9/2017). Nia dehan tan katak polisia kaer kumpania Hong Long nebe kaer projeitu kaer ikan iha Timor.

"PNTL kaer kumpania Internasional Hong Long tanba kaer ikan protezidu, ida nee ami simu autorizasaun husi Ministeiru publiku atu ami ba halo indentifikasaun. Depois rezultadfu ikus ami sei hato fila fali ba ministeiru publiku tanba sira maka nain ba prosesu,”nia dehan.

Oras nee PNTL sei halo remata nia nia investigasaun no rejultadu ikus sei hatoo ba Ministeiru Publiku tanba sira maka nain ba prosesu nee. Laos parte polisia maka naran tur no hanoin halo servisu ida nee maibe tanba bajeia ba ministeiru publiku nia.

Oras nee dadaun PNTL sedauk bele kualia uluk kuandu prosesu kazu nee sedauk remata. Orsida iha investigasaun nia laran maka bele hatene kumpania Hong Long nee nia kontratu ho governu nusa no nia halao nia aktividade iha terenu oinsa. Maibe iha investigasaun nia laran maka hetan aktus konaba kaer ikan protezidu nee kontra lei ou lakontra lei.

Parte seluk informa mos konaba PNTL husi Munisipiu Baucau nebe kaer mos kumpania Hong Long mos oras nee dadaun hahu nia prosesu lao hotu ona. Sei hare kumpania nia kontratu ho governu Timor Leste han malu ka lae. Tanba nee proseu hotu-hotu sei lao hela nafatin no iha rejultadu ikus maka sei hare los. 

Justinho Manuel | Suara Timor Lorosae