DILI
- Husu ba feto Parlamentu Nasional neebe maka lori feto nian naran, bele
tun ba iha area rural sira. Atu nunee bele rona feto nian preokupasaun tomak,
hodi bele halo diskute iha Parlamentu Nasional.
Reprezentante
Feto Maria Amaral hateten, feto nian papel mos importante, tanba nee maka
governu tau konsiderasaun ba feto. Ohin loron iha lei konaba direitu feto nian,
neebe maka mensiona iha konstituisaun republika hanesan iha artigu 16 no 17.
Tanba nee maka husu ba maluk feto neebe maka tur iha parlamentu, atu tuun ba
halo fiskalizasaun. Nunee bele lori feto maluk nian preokupasaun hodi halo
diskute konaba dezafiu, neebe maka feto hasoru iha area rural sira.
Hau
lori feto maluk seluk nian naran hakarak fo parabens ba feto maluk, neebe maka
oras nee tuur iha parlamentu nasional. Karik bele tun mai iha area remotas no
area rural, nunee bele rona netik ami nian lian hodi halo diskusaun. Tanba feto
nian papel mos importante, nee maka ohin loron governu rekonese ona iha
konstituisaun republika demokratika de Timor Leste, hanesan iha artigu 16 no
17,” katak Maria.
Nia
hatutan, nian senti kontenti tanba feto mos iha parlamentu, tanba oras nee
dadaun feto mos bele kompete ho mane sira.
Iha
sorin seluk Professora Filomena De Sousa hatutan, feto parlamentu sira neebe
reprezenta feto atu bele tun ba iha area rural sira, para nunee bele rona maluk
seluk nian aspirasaun.
Hau
husu ba maluk feto sira neebe maka tuur iha parlamentu nasional, reprezenta
duni feto, hodi buka depende feto nian direitu tomak. Laos koalia deit feto
nian direitu, maibe depende mos feto maluk neebe maka iha area rural nian moris
loron-loron,” katak Professora Filomena ba STL Iha salaun 12 Novembru, Becora,
Tersa, (19/09/2017).
Professora
nee hatutan, nia senti kontenti maske nasaun foun maibe, feto mos partisipa ona
iha parlamentu nasional nomos iha fatin publiku sira hotu, hanesan iha
diretora, professora no seluk tan.*
Suara
Timor Lorosae
Sem comentários:
Enviar um comentário