XG Sei Partisipa Kampana EA

DILI – Prezidente CNRT Xanana Gusmao sei partisipa kampana Eleisaun Antisipada (EA), tanba nee tempu badak sei fila mai Timor depois remata negosiasaun.

Informa Xefe Bankada CNRT Arao Noe hatete, tama ba kampana EA Prezidente CNRT Xanana Gusmao  sei partisipa, neebe molok fulan nee remata, relasaun ba negosiasaun  ikus ba atu dada byplane mai Timor, hein katak ida nee hotu maun boot fila mai Timor atu partisipa iha kampana no EA.

Husu ba militante AMP nian katak maun boot Xanana sei partisipa iha kampana iha dia 10 Abril too dia 9 de Maiu maun boot sei hela permanente iha Timor too kampana hotu ba too EA,” katak Arao ba Jornalista Kinta (15/02/2018) iha Bankada CNRT PN.

Laos nee deit maibe rezultadu ba Fronteira Maritima negosiasaun ho susesu, hein dia 6 Marsu agora asina para atu formaliza deit, tanba akordu ka negosiasaun kompletu ona. Nia informa tan katak, negosiasaun ikus liu neebe mak sei determina iha Kualalumpur nee mak atu dada kadoras mai iha Timor ba  seluk nee hein para atu asina deit.

Husu atu povu tomak reza ajuda negosiasaun ikus liu dada kadoras mai TL, neebe mai hotu-hotu reza harohan ba Maromak no rai lulik atu fo susesu ba nasaun.Maibe labele haree ba maun boot hanesan prezidente CNRT, haree hanesan figura sentral ba estadu luta ba estadu ida nee.

Aleinde nee mos Xefe Bankada  CNRT nee dehan, kona ba kampana EA, sira AMP prontu desde Dezembru, bainhra governu laaprezenta programa segundu, maibe sira  hanoin tempu nee dada ba disolve PN no ba EA, tanba nee mak iha Dezembru kedas hasae Bandeira AMP konjunta,  iha nasional too suku, katak sira preparadu ba EA. 

Guilhermina Franco | Suara Timor Lorosae