DILI:Ró Haksolok sai polemika iha
sosiedade tanba halo promesa besik tinan rua ona la too Dili.
Primeiru Ministru, Mari Alkatiri
hatete ró Haksolok hakat ona faze final maibé Governu sei buka meius atu loke
portu foun iha Regiaun Oe-Cusse, tanba portu ne’ebé dadaun ne’e utiliza la
sufisiente.
Tanba nia dehan, ró Haksolok atu
mai presija portu ida ne’ebé spesifiku atu nune’e ró mai tranka hodi halo
atividade operasaun.
Dadaun ne’e ZEESM hahú ona
konstrusaun portu movél iha Oe-Cusse nune’e prepara ba Ró Haksolok ne’e.
“Agora prepara hela ponte kais
movel tolu ne’ebé atu lori mai hodi prepara ba ró Hakasolok, bainhira ró ne’e
para do’ok de’it ema dehan saida ba ita,”informa Alkatiri ba jornalista
edifisiu MOP Mandarin Dili, kinta (15/2).
Maibé Xefe Governu konfesa katak,
konstrusaun ba portu move ne’e adia tanba agora dadaun ne’e empreza ne’ebé
hetan tenderizasaun sei iha problema tékniku ho sub-kontrktor sira.
Xefe Governu mós la define lolós
empreza ho sub-kontraktor nia identidade ne’ebé mak dadaun ne’e sei iha prosesu
diskusaun nia laran.
Maski nune’e, Alkatiri hakarak
aseleira lalais konstrusaun portu movél ne’e, atu nune’e bainhira ró haksolok
fila mai Timor sei tranka.
Antes ne’e, Xefe Governu dehan ró
Haksolok seidauk too Timor tanba kulpa kompania ne’ebé halo ró ne’e, sira iha
divida, tanba ne’e sira lori malu ba Tribunal, Timor sei prepara advogadu atu
akompanha prosesu ne’e.
Maibé dehan Alkatiri ne’e la’os
problema Timor nian, ne’e problema entre kompania sira.
Ró ahi Haksolok ne’e, hetan ona
bensaun husi Dom Carlos Ximenes Belo iha loron 26 fulan-maiu 2017, iha sidade
Figueira da voz, Portugal, ne’ebé akompanha husi Mari Alkatiri nu’udar
Presidente ZEESM, Vise Ministru Inacio Moreira no konvidadu sira seluk.
Ró ahi Haksolok ne’e boot no
modern, atu bele iha ligasaun husi tasi Dili, Atauro, OeCusse, Indonesia no
Australia.
Iha kapasidade tula ema na’in
377, veantura karreta 15, ho nia folin sosa hamutuk Euro 3,7 millaun.
Artur da Luz | Independente
Sem comentários:
Enviar um comentário