Líder hosi opozisaun timoroan,
Xanana Gusmão, defende iha loron-segunda ne'e komentáriu krítiku sira ne'ebé
halo iha kampaña kona-ba líder polítiku sira seluk no partidu ne'ebé kaer poder
iha Governu, Fretilin, hodi insisti katak hakarak "klarifika buat
balun".
Iha entrevista ba Lusa, líder
hosi Aliansa Mudansa ba Progresu (AMP) hatete katak iha kampaña sira hahú tinan
2007 nunka ataka ka hatán ba atake sira, maibé iha kampaña ba lejislativu 12
Maiu nian tenki "klarifika buat balun".
"Tenki ko'alia. Inkluzivu
ha'u nia partidu rasik hatete: subar buat ruma? Karik sira hatete lia-loos? Ó
tenki ko'alia. Iha inísiu, ha'u lakohi maibé ami iha ekipa ne'ebé akompaña hela
no ha'u haree nafatin komentáriu sira. Bainhira sira para, ha'u para", nia
hatete iha entrevista, iha Pante Makasar, iha enklave Oecusse-Ambeno.
Responsável sira hosi Frente
Revolucionária do Timor-Leste Independente (Fretilin) rejeita katak halo
provokasaun no insisti katak lakohi hatán ba krítika ne'ebé halo beibeik ba
partidu no ba nia líder sira ne'ebé maka domina nafatin kampaña AMP nian.
Krítika sira fahe, liuliu, iha
aspetu rua: referénsia sira ba tema fronteira tasi nian ho Tasi Timor no ba
pasadu luta nian, liuliu saida maka akontese iha Fretilin iha nasaun iha dékada
dahuluk hosi okupasaun indonéziu nian.
Kona-ba negosiasaun sira Tasi
Timor nian, Xanana Gusmão hatete katak hahú uza kampaña hodi esplika aspetu
sira relasionadu ho tema tanba "parte seluk provoka", hodi refere ba
eis-Prezidente no atual ministru Estadu José Ramos-Horta.
Líder partidáriu hatete katak
presiza esklarese saida maka nia asaun iha prosesu ne'ebé hamosu tratamentu ba
definisaun fronteira sira, asina iha loron 06 Marsu ho Austrália, no akordu
anterior ne'ebé hala'o daudaun, negosiadu hosi Mari Alkatiri ho José
Ramos-Horta, ne'ebé koñese ho naran CMATS.
Presiza "komprende katak
CMSTAS iha kláuzula ida ne'ebé hatete katak durante tinan 50 la ko'alia
[fronteira sira] no hafoin tinan 50 bainhira empreza sira hatete katak sei iha
gás barak hodi hasai, sei la ko'alia mós", nia afirma.
Xanana Gusmão rekorda katak
bainhira negosia hela CMATS - iha tempu ne'ebá nia nu'udar Prezidente Repúblika
- husu ona ba Mari Alkatiri ho Ramos-Horta hodi inklui iha negosiasaun sira kestaun
fronteira nian no gazodutu ba Timor-Leste.
Promete ona hafoin rezultadu
"bolu imprensa no fó nia apoiu ofisial" maibé hafoin, ho telefonema
surpreza ida "iha jogu futebol ida", ho José Ramos-Horta, konfirma
ona katak la ko'alia kona-ba fronteira no akordu ne'e asina tiha ona.
Insisti katak iha regresu, asuntu
ne'e ko'alia iha reuniaun semanal dahuluk ho primeiru-ministru iha tempu
ne'ebá, Mari Alkatiri, ne'ebé liutiha semana rua rekorda ba nia promesa hosi
deklarasaun públika.
"Ne'e loos, nia hatete ba
nia. Maibé señór primeiru-ministru hanoin, ha'u husu ona katak bainhira sira
fila, informa mai ha'u katak ko'alia kona-ba fronteira ho gazodutu ba Timor.
Primeiru-ministru Alkatiri la hatete buat ida, despede aan no ha'u la halo
deklarasaun ruma", nia konta.
Hatán kona-ba asinatura akordu
nian, Xanana Gusmão hatete katak iha kbiit limitadu, tanba lei ruma ne'ebé
hetan suspensaun tenki hetan fali apoia hosi 2/3 parlamentu.
Nia hatete tanba ne'e nia hein no
hahú ona prosesu naruk hodi "anula CMATS" - ne'ebé akontese iha 2017
- no avansa ho konsiliasaun kompulsóriu ne'ebé permiti lori tratadu fronteira
tasi nian ne'ebé maka asina ona iha loron 06 Marsu liubá.
Xanana Gusmão rejeita mós
argumentu sira katak lahó negosiasaun hosi Mari Alkatiri iha Tratadu Tasi Timor
2002 no iha CMATS tinan 2006, Timor-Leste sei laiha osan.
Nia konsidera ona katak
reprezenta "falta memória ida hosi ema barak" ne'ebé halo nia
"preokupadu tebes", afirma mós katak partisipa ona iha prosesu hosi
tratadu dahuluk no katak Mari Alkatiri hetan ajuda hosi funsionáriu importante
sira ONU nian.
"Lalika hatete mai ha'u
katak nia maka konsege. Bainhira nia maka konsege entaun ami seidauk hahú simu
kedas osan iha tinan 2005. Buat hotu prontu antes. La'ós iha tinan rua nia
laran maka hahú harii", nia hatete.
"Bainhira nia konsege 90-10
[fahe reseita sira entre Timor-Leste ho Austrália] ne'e oinseluk. Maibé labele
hatete katak nia maka konsege buat hotu. La'ós nia. Ha'u iha envolvimentu
diretu la indiretu", nia insisti.
Admiti katak iha tinan 2002
hanoin iha kestaun fronteira nian "hanesan imposível", Xanana Gusmão
hatete katak problema la'ós Tratadu hosi Tasi Timor maibé asaun sira hosi
akordu.
"CMTAS la interompe
insisténsia tomak hosi ami nian kona-ba fronteira. CMATS hapara buat hotu no
desidi ona hodi la ko'alia tan kona-ba fronteira sira. Hanesan labele aseita
CMATS. Nune'e maka ha'u desidi prepara prosesu ne'ebé lori to'o
konsiliasaun", nia afirma.
SAPO TL ho Lusa
Sem comentários:
Enviar um comentário