segunda-feira, 11 de junho de 2018

Ema deskuinesidu sobu edifisiu LFA

PARTILHAR

Ema deskoñesidu sobu janela no tama edifisiu Liga Futebol Amadora (LFA) iha Bairu dos Grilhos, Díli, iha loron Kinta (07/06) madrugada hodi foti komputador ida.

Komputador ne’ebé ema deskonhesidu ne’e foti, iha sala diresaun verifikasaun ne’ebé  durante ne’e uza hodi asegura dokumentus importante klubu futebol sira ne’ebé partisipa jogu LFA

Iha dader, funsionariu LFA kontaktu direta Policia Nacional Timor-Leste liu husi unidade forensik no halo kedan verifikasaun.

Ezekutivu LFA senti estrañu haree kondisaun refere tanba foti deit kumputador husi diresaun verifikasaun nian maibe sasan no komputador husi diresaun seluk kompletu hela.

Iha dadersan staff sira mai office edifisiu - sira haree katak komputador ida, diresaun verifikasaun nian e lisensa nian lakon, e hau mai kedan bolu diresaun sira seluk. Ami deskonfia ema tama liu husi janela, tanba ne’e mak ami halo kedas reuniaun, katak tanba saida mak komputador husi diresaun verifiaksaun mesak mak lakon no diresaun sira seluk nian kompletu hela, entaun iat kontinua hein rezultadu husi investigasaun no verifikasaun husi policia forensik, haktuir Diretur Administrasaun no Finansas LFA, Aldo Amaral.

Nia dehan, maske nune’e sei la fó impaktu ba aktividade reguler Liga Futebol Amadora (LFA) époka 2018.

Ezekutivu LFA espera iha tempu besik bele hetan rezultadu husi investigasaun ne’e.

GMN tenta konfirma ho parte Forensik kona ba prosesu investigasaun ba kazu ne’e maibe lakohi fo komentariu. Ito

GMN TV | Grupo Média Nacional
PARTILHAR

Author: verified_user

Publicação luso-timorense sem fins lucrativos

0 comentários: