Konfrontu entre juventude Camea
iha festa koremetan ne’ebé hala’o iha Becora, Domingu (10/06/18) mais ou menus
tuku 05 madrugada OTL, rezulta uma ida rahun no nain rua kanek, tanba hetan
tuda husi area Terminal Aldeia Bedois Suku Camea.
Relasiona ho akontesimentu ne´e,
iha Domingu tuku 08 dadersan vítima ne´ebé mak hetan
tuda hanesan uma nain Jenito Jordão ba iha Eskuadra Polísia
Cristo-Rei bolu Polísia to´o iha fatin akontesimentu hodi buka tuir
suspeitu sira iha sira-nia rezidensia, maibe suspeitu ladun koopera
ho autoridade seguransa. Tanba ne´e Polísia husu ba suspeitu nia inan ka aman
atu ho volontariamente entrega oan sira ba Eskuadra Polísia
Cristo-Rei hodi submete ba prosesu investigasaun.
Vítima Jenito
Jordão, haktuir, iha akontesimentu ne´e nia
haree ema kuaze 20 ital, maibe nia koñese mak ema nain
hat ne´ebé mak koalia ho nia. Maibe iha suspeitu balun foti fatuk
tuda nafatin uma.
Ha´u konta oituan kona-ba
kronolojia ne´e, maibe prolema hun mak ha´u la hatene. Problema ne´e
akontese komesa husi festa koremetan ida iha Camea. Tanba
ami hetan karta konvite entaun hakarak ka lakohi ami ténki ba partisipa, tanba
durante ne´e ami haree malu diak depois ha´u lori alin sira ba
depois fila-fali uma hodi deskansa sira problema oinsa ha´u la hatene entaun
ha´u rona vidru tarutu, ha´u sai husi uma laran mai, ha´u haree membru Governu
balun nia oan. Tanba ne´e ha´u husu ba nia aman atu responsabiliza.
Tanba ita lakohi problema ne´e sai boot,esplika vítima uma nain Jenito Jordão,
ba GMN Domingu (10/06/18) iha area Terminal Suku Camea.
Alende ne´e nia mós husu suspeitu
seluk ne´ebé mak involve hamutuk iha kazu refere atu
responsabiliza mós ba aktu krimi sira komete atu rezolve tuir dalan legal.
Iha parte seluk, Xefe Aldeia
Bedois, José Pereira Carceres de Carvalho, husu suspeitu sira atu
entrega-an ba autoridade seguransa hodi bele responsabiliza.
Akontesimentu ne’e
ha´u buka tuir kedas sira, mas la konsege hetan sira. Sira-nia inan ho aman
ha´u koalia hotu ona katak, tuku 2 lorokraik ohin (horseik) atu ba Eskuadra
para rezolve, se sira halai, lori sira-nia anan-aman ba
iha Polísia hodi rezolve,dehan Xefe Aldeia Bedois, José Pereira Carceres
de Carvalho. avi
GMN TV | Grupo Média Nacional
Sem comentários:
Enviar um comentário