Formasaun VIII Governu Labele Bokur Liu

DILI - Sujestaun Sosidade Sivil nian ba formasaun VIII governu nee atu labele bokur liu, tanba TL iha limitasaun, liu liu rekursu ekonomia neebe maka seidauk sufisiente.

Ita rona informasaun neebe maka espala ona katak, formasaun VIII nee sei iha kadeira 42, hau hanoin strutura ida nee ba ami sosiedade sivil nia haree nee boot liu, no la refleta povu iha baze, tanba rai ida nee kiik no nia povu naton deit, tanba nee la presiza governasaun neebe boot, tanba la halo poupansa,” sujere Diretur Ezekutivu Luta Hamutuk, Jose Alves ba STL, Tersa (05/06/2018) iha nia knar fatin Farol, Dili.

Nia hatutan, sosiedade sivil husu atu halo redusaun, tanba governasaun neebe boot maka sei gasta osan neebe boot, no presiza rekursu neebe boot hodi fasilita diak liu tan membru governu sira nee, tanba nee tinan lima ida nee governu atu fo kontenti malu deit tanba formasaun governu ida nee boot tebes, no la refleta ba povu nia moris.

Iha parte seluk Diretor Judisial Sistem Monitoring Programe (JSMP), Luis Oliveira de Sampaio hatoo ninia preokupasaun ba VIII governu neebe tempu badak sei lidera governasaun ba tinan lima. 

Notisia kompletu lee iha jornal STL edisaun Kinta, (07062018)

Madalena Horta/Sonia Ferreira | Suara Timor Lorosae