Empreza telemóvel xineza Huawei
hatete iha loron-kuarta ne'e katak nunka armazena informasaun kona-ba
utilizador sira hosi Facebook, hodi reaje ba notísia sira ne'ebé hatete katak
rede sosial norte-amerikanu ne'e fahe informasaun ho empreza móvel sira.
Huawei - empreza asinaladu hosi
serbisu informasaun sira hosi Estadus Unidus hanesan "ameasa ba seguransa
nasional" - deskonfia karik iha sentru hosi kazu ida kona-ba utilizasaun
hosi informasaun privadu sira hosi rede sosial norte-amerikanu Facebook.
Empreza sira hosi Repúblika
Popular Xina nian Huawei, Lenovo, Oppo no TCL halo parte entre fabrikante oioin
ne'ebé maka hetan lisensa asesu ba informasaun sira hosi Facebook ne'ebé
kompañia rekoñese katak fornese "ho dalan kontroladu", haktuir hosi
deklarasaun sira hosi visi-prezidente rede sosial, Francisco Varela.
"Hanesan ho fabrikante sira
seluk hosi ‘smartphone’, Huawei serbisu ona ho Facebook hodi halo serbisu sira
sai fásil liu ba utilizador sira", hatete hosi porta-vós Huawei nian, Joe
Kelly, hodi hatutan katak empreza xineza "nunka rekolla no rai informasaun
sira hosi Facebook".
Empreza fabrikante hosi telemóvel
sira Huawei harii hosi eis-ofisial militar hosi Repúblika Popular Xina nian,
Ren Zhengfei.
SAPO TL ho Lusa
Sem comentários:
Enviar um comentário