DILI, (TATOLI) – Reprezentante
bankada Frente Revolusionária Timor-Leste Independente (FRETILIN) iha
Parlamentu Nasionál enkontru ho Prezidente Repúblika, Francisco Guterres Lú
Olo, hodi fahe hanoin kona-ba Orsamentu Jerál Estadu (OJE) 2018 ne’ebé foin
lalais hetan ona aprovasaun hosi deputadu sira.
“Bankada FRETILIN preokupa
kona-ba polítika fiskál no divida naun finanseira ne’ebé to’o agora lahatene
totál ne’e hira, nia orijen ne’e halo nusa no projetu sira ne’e eziste duni ka
la’e. Prezidente Repúblika mós preokupa ho ida ne’e”, Xefe bankada FRETILIN,
Aniceto Guterres, ba jornalista sira iha Palásiu Prezidente Nicolau Lobato,
Bairru Pité, sesta ne’e.
Nia hateten Prezidente Repúblika
(PR) sei iha tempu loron 30 atu estuda diploma ne’e sura hosi loron ne’ebé
entrega diploma OJE ba Prezidente Repúblika.
Kona-ba vizita PR ba rai liur,
nia haktuir Parlamentu maka iha kompeténsia atu autoriza ka la’e no Prezidente
prontu simu desizaun, hodi realsa Prezidente lakohi ho viajen ida ne’e atu kesi
fali Prezidente Repúblika tenke promulga orsamentu.
“PR la ezije tenke aprova
autorizasaun konsientementu atu ba viajen no PR fó hikas fali ba iha Parlamentu
atu deside”, katak tan.
Jornalista: Xisto Freitas | Editora:
Rita Almeida
Imajen: Soru-mutu entre
reprezentante bankada FRETILIN iha Parlamentu Nasionál ho Prezidente Repúblika,
Francisco Guterres Lú Olo. Imajen Mídia PR
Sem comentários:
Enviar um comentário