Responsável sira ba kontrusaun
hosi Portu Tibar nian, besik iha kapital timoroan, Díli, admiti ona iha
loron-kuarta katak kalendáriu obra nian bele afetadu bainhira la fó lisensa ba
pedreira to'o fulan-Jullu, "importante" ba projetu.
"Bainhira kestaun hosi
lisensa rezolve to'o fulan-Jullu ami bele aselera hosi kumpri kalendáriu.
Maibé, bainhira la'e, bele hanesan komplikadu", hatete ba Lusa hosi jestor
konstrusaun Timor Port, Pierre-Louis Sapin, hosi empreza konsesionáriu obra
nian, franseza Bolloré.
"Prosesu hala'o hela, maibé
sei konklui ida. Hanesan atrazu ida, maibé ami iha hela prazu normal hosi
lisensa ambiental sira nian. Ami hatene katak sei demora, la demora hanesan
ne'e, maibé agora ami iha prosesu nia laran no ami tenki jere", nia
esplika.
Sapin afirma ona katak, antes
bele avansa ho prosesu lisensiamentu, presiza identifika pedreira ne'ebé sei
uza, tanba iha rekizitu espesífiku sira ba fatuk ne'ebé sei uza iha obra.
Aspetu seluk ne'ebé sei rezolve
maka kestaun hosi kais iha pedreira nia oin ne'ebé "sei fasilita tebes
transporte fatuk nian" hosi tasi to'o zona portu nian hodi la uza estrada
no karega ho deskarega.
"Ha'u la hatene bainhira
maka ami sei hetan lisensa ba asuntu ne'e", nia hatete.
Rafael Ribeiro, responsável hosi
Timor Port, admiti ona ba Lusa preokupasaun hosi estrutura oioin Governu nian
hodi rezolve asuntu, hodi haree katak hanesan obra dahuluk ho nível hanesan
ne'e iha Timor-Leste.
"Envolve ministériu tolu ka
haat, nune'e presiza kordenasaun di'ak. Ne'e dalabarak demora organiza buat
hotu. Maibé ami tomak hakarak ajuda rezolve kestaun sira ne'ebé seidauk
rezolve", nia hatete.
Iha kauza maka lisensa rua, ida
ba pedreira no ida seluk ba konstrusaun hosi kais ida hodi transporta material
sira ne'ebé sei uza iha obra sira, no asuntu ida uluk hanesan "urjente
liu", konfirma hosi responsável sira.
Iha kazu pedreira nian, lisensa
afetadu ho asuntu oioin ne'ebé susar, inklui dúvida sira kona-ba propriedade
rai nian, faktu ne'ebé parte balun uza hosi Forsa Defeza Timor-Leste nian
(F-FDTL) no mós tanba iha poste ida ho tensaun aas iha zona.
Sapin esplika katak, maski
nune'e, Timor Port hasoru diretamente ho Autoridade Nasional hosi Petróleu ho
Mineral (ANPM) nian, hanoin iha mudansa lejislativu sira tinan liubá.
"Hanesan ba dala uluk maka
ANPM hasoru ho prosesu ida hanesan ne'e", rekorda hosi Sapin.
Baibain, Diresaun Nasional hosi
Kontrolu Poluisaun no Impaktu Ambiental (DNCPIA), ho ligasaun ba Sekretaria
Estadu Ambiente nian, hanesan autoridade ho kompeténsia hodi regulamenta no
lidera prosesu avaliasaun no aprovasaun ba lisensiamentu ambiental.
Maibé, lei orgániku hosi
Ezekutivu, aprova iha fulan-Setembru, fó poder ba Ministériu Petróleu ho
Mineral sira (MPM) hodi fó lisensa ambiental sira ba atividade sira hosi nia
tutela ne'ebé inklui projetu sira hanesan pedreira sira.
Iha konkretu, dekretu-lei hosi
orgániku Governu nian tau protesaun hosi ministru Kordenador ba Asuntu
Ekonómiku sira responsabilidade hodi "halo avaliasaun ambiental
estratéjiku hosi polítiku sira, planu sira, programa sira ho lejislasaun no
kordena prosesu sira avaliasaun nian hosi impaktu ambiental hosi projetu sira
iha nível nasional".
Dekretu-lei hanesan husik iha
tutela hosi MPM responsabilidade hodi, "konsidera ba kompleksidade no
espesialidade tékniku hosi área petróleu nian no rekursu mineral sira",
lori prosedimentu sira hosi lisensiamentu ambiental no aprova lisensa ambiental
sira iha área ne'e.
Responsável sira hosi Portu Tibar
nian iha loron-kuarta ne'e halo ona aprezentasaun ida ba jornalista sira
kona-ba estadu hosi obra, ne'ebé iha durasaun previstu ida hosi kontrusaun nian
ba tinan tolu, projetu boot dahuluk iha modelu hosi parseria públiku-privadu no
projetu boot hosi infraestrutura ne'ebé maka nunka akontese iha Timor-Leste.
Agora daudaun projetu iha faze
hamoos tasi nia okos, ne'ebé sei hasai rai hamutuk millaun lima metru kúbiku,
antes hahú prosesu reklamasaun ba tasi hosi hektar 27 no kontrusaun hosi kais
prinsipal.
Kais ne'e, ho 630 ho kuaze metru
60, inklui plaka betaun ida ne'ebé sei asenta iha pilar besi hamutuk 602 ne'ebé
sei tau to'o klean ida metru 70 nian.
Projetu iha "falsu
aranke" oioin, ida dahuluk maka serimónia lansamentu ba primeira pedra
ne'ebé akontese iha Juñu 2017, ho serimónia ida ne'ebé lidera hosi ministru
Planeamentu no Investimentu Estratéjiku iha momentu ne'ebá, Xanana Gusmão, ho
responsável sira hosi konsórsiu ne'ebé lidera hosi franseza Bolloré.
Kestaun sira ne'ebé iha relasaun
ho finansiamentu, ho subkontratasaun, afeta ona inísiu hosi projetu ne'e.
Serimónia ba lansamentu primeira
pedra foun ida akontese iha 30 Agostu tinan liubá, no obra sira, liutiha fulan
ualu, kuaze seidauk hahú.
Lokaliza iha kilómetru 10 resin
hosi oeste Díli nian, iha tasi-ibun Tibar, projetu hetan partisipasaun hosi
International Finance Corporation (IFC), hosi grupu Bancku Mundial.
Faze dahuluk hosi projetu
(konstrusaun, ekipamentu ho operasaun portu nian) avalia ho folin dolar millaun
278,3, ho Governu timoroan selu ho dolar millaun 129,45, no parseiru privadu
selu millaun 148,85.
Iha faze daruak, bainhira tama
ona esplorasaun, Bolloré kalkula investimentu besik dolar millaun 211,7, parte
barak mai hosi reseita sira hosi atividade portuáriu nian.
Bolloré kontrata ona empreza
públika xineza China Harbour ba konstrusaun hosi projetu ne'e.
Lusa | SAPO TL
Sem comentários:
Enviar um comentário