DILI, 15 maiu 2019 (TATOLI) - Ministru
Defeza no Ministru Interiór Interinu, Filomeno da Paixão de Jesus, hateten
presiza ró própriu atu fó seguransa ba rikusoin iha kosta súl.
“Agora ita tenke tau matan
seguransa ba kosta-súl. Iha ne’ebá investimentu boot, maibé la’ós kabe de’it ba
ha’u atu deside. Konsellu Ministru mak sei desidi. Ha’u-nia hanoin tenke iha
meiu própriu ba iha kosta súl,” Filomeno ko’alia ba jornalista sira iha Palásiu
Governu, kuarta (15/5/2019).
Ministru Defeza ne’e rekoñese
katak durante ne’e rekursu ne’ebé fó seguransa ba rikusoin iha kosta súl la
sufisiente.
“Rekursu la to’o. Kona-ba ró,
F-FDTL iha rua no polísia iha rua. La konta ho ró ki’ik sira. Bele to’o 10
hanesan ne’e, maibé ba kosta súl labele,” nia informa.
Tanba ne’e, nia dehan, nia sei
buka meiu hodi fó apoia liuhusi seguransa no sei tau prioridade ba tinan 2020
tanba durante ne’e peska ilegál kontinua na’ok ikan iha kosta súl ho meiu
ilegál no mós tanba oras ne’e investimentu boot la’o iha kosta súl.
Jornalista: Evaristo Soares
Martins | Editór: Xisto Freitas
Imajen: Ministru Interiór
Interinu, Filomeno da Paixão de Jesus
Sem comentários:
Enviar um comentário