LERE SIMU ONA KARTA HOSI MAUK HOSU KOK RETIRA

DILI - Komandu Operasaun nebe Lidera hosi Xefi estadu Maior F-FDTL Maijor Jeneral Lere Anan Timur, simu ona karta hosi Paulino Gama Alias Mauk Moruk, karta nee fo tuir Kornelio Gama L-7.

Tuir Xefi estadu Maior F-FDTL Maijor Jeneral Lere Anan Timur katak, iha loron Kinta (21 Maiu), Mauk Moruk haruka ona karta mai iha nia Maun L7, atu intrega ba iha Komandu Operasaun Konjunta, no karta nee rasik KOK simu ona, maibe ho opsaun rua.

Hau hanoin opsaun rua nebe maka hakerek iha karta laran nee maka, atu retira operasaun konjunta nebe halo hohsi Forsa rua nee, no retira mos Mauk Moruk nia prosesu iha Tribunal, maibe hau nia posizaun dehan katak forsa bele retira, maibe ba Justisa ita sei la retira, karik ita retira hotu Justisa maka ida nee hanesan ezemplu aat ida ba futuru aban bain rua nian, tamba ema komte tiha krime no husu atu retira nee sei la akontese,” dehan Lere ba Jornalista sira Tersa (26/05/2015) iha nia knar fatin Kuartel Jeral F-FDTL, Fatuhada Dili.

Nia informa liu tan katak, opsaun KOK nian maka husu ba L-7 atu marka fatin hosi Mauk Moruk, marka loron no oras atu nunee Komandu Operasaun haruka Membru sira ba Foti Mauk iha fatin nebe nia bele determina, hodi lori mai ba hatan iha Justisa, nee maka opsaun komandu nian. Informasaun kompletu iha STL Jornal no STL Web, edisaun Kuarta (27/5/2015). Madalena Horta

Suara Timor Lorosae