Operasaun HANITA, Elementus PNTL Komete Mal Atendementu

Durante operasaun HANITA iha Munisípiu Baucau hodi buka tuir Mauk Moruk ho nia membru grupu ilegal Konsellu Revolusaun Maubere (KRM), Provedor Direitus Humanus no Justisa (PDHJ) identifika katak, membru Polisia Nasional Timor Leste (PNTL) komete mal atendimentu ba komunidade sira.

Prevedor Dereitus Humanus no Justisa, Silverio Pinto esklarese katak, membru PNTL balu halo abuzu poder hodi uza forsa hodi halo violasaun ba direitus humanus.

“Sa ida maka ami hetan ami sei rekomenda ba Komando bele hare prosesu ruma atu nune’e ele hadia ita nia instituisaun PNTL   ba iha membru sira nune’e komunidade bele fo konfiansa nafatin ba ita nia PNTL,” hateten Silverio Pinto ba Jornalista iha edefisiu PDHJ, Caicoli, Dili, Kinta (14/05/2015).

PDHJ mos simu keixa barak maka hato’o husi komunidade, kona-ba aktu violasaun direitus humanus ne’ebe maka elementus PNTL sira involve.

Silveiro saran katak, rekomendasaun ne’ebe maka PDHJ rekomenda ba komando, laos kazu por kazu, maibe rekoimdenasuan jeral, atu Komando toma konsiderasaun hodi hadia mentalidade membru sira nian.

Hatan kona-ba Administrador Munisípiu Baucau , Antonio Augosto Guteres nia deklarasaun ne’ebe maka rezeita KOK la halo violasaun dereitus humanus durante operasaun HANITA ba komunidade sira, Silveiro Pinto hateten, dala ruma Administrador Baucau la simu informasaun, tanba Administrador iha Edefisiu deit. diferenta ho PDHN ne’ebe ninia ema ba halo monitorizasaun to’o fati nsira ne’ebe maka elementus KOK halo violasaun direitus humanus.

“Bainhira ami nia monitor sira kuandu tu’un ba halo monitoijasaun iha fatin sira ne’e la iha impedementu. Katak, ami iha asesu livre tanba ita nia forsa autoridade sira mos hatene didiak kna’ar   PDHJ nian. Hau rasik halo kontaktu ho Komando sira wainhira kuandu ami nia monitor tu’un,” hateten Silveirio Pinto.nax

Jornal Nacional