TAXISTA NA’IN 220 TUIR FORMASAUN

Ministériu Turismu Arte no Kurtura (MTAK) liu husi Diresaun Nasional Transporte no Terrestres fó formasaun ba kon dutor taxista sira konaba hadia atende mentu ba públiku, tanba durante ne’e MTAK sempre simu keixa informasaun konaba étika professional kondutor sira nian.

Formasaun ne’e hala’o iha salaun Centro Convenções de Dili (CCD), Segunda (18/5), ne’ebé servisu hamutuk husi Ministériu Turismu Arte no Kultura, aviasaun sivil Ministériu Óbras Públika Transporte no Telekomunikasaun no Polisia Tránzitu Nasional Timor Leste (PNTL).

Xefi Departamentu aviasaun turístiku Aniceto Brites hateten katak, presiza duni fó formasaun ba taxista sira, tanba dala barak turista sira ne’ebé mak mai husi estranjeirus ne’e sempre ba hato’o problema taxista sira nian ba iha Ministériu Turismu Arte no Kultura (MTAC).

Nia hatutan tan katak, problema ne’ebé mak hato’o husi turista sira ne’ebé mak mai husi rai liur ba iha Ministériu Turismu mak hanesan taxista sira dala ruma lori kareta ho kondisaun lanu, hala’i maka’as, komunika hodi koalia arviru de’it hasoru turista sira, nune’e mós hatais roupa nakles inkluindu kalsa nakles.

“Nune’e mós dala ruma failansu husi língua, tanba turista sira ne’ebé mak komunika koalia ho lian inglesa ho portuguesa taxista sira la kompriende hodi tula turista sira ne’e haleu de’it iha fatin balun, nune’e to’o iha turista sira nia fatin tun ne’e taxista sira husu kedas osan $ 50.000 mai kraik”, dehan Aniceto Brites.

Aniceto Brites hateten tan katak, taxista balun tula pasajeirus liu-liu turista sira husi Aeroportu internasionál Nicolau Lobato hala’i sai mai kapital Dili, hanesan los halai taru, pior liu mak lori taxi ho kondisaun lanu. Tamba ne’e MTAC presiza fó formasaun ba taxista sira konaba hadia atendementu ba públiku.

Alénde ne’e, tenik Aniceto Brites, taxista pelo menos iha informasaun natón konaba régras ba atendementu públiku nian, liu-liu meius komunikasaun ida ne’ebé di’ak, tanba dala barak mak kondutor ho pasajeirus haksesuk malu.

“Ne’e akontese tanba laiha konkordánsia komunikasaun, hanesan fatin besik liu selu kedas $ 5,00, pior liu halai ba fatin do’ok selu osan $ 50.000 mai kraik. No dala ruma mós taxista sira sente kolen liu, tanba halai ba mai, maibé lahetan pasajeirus ruma, pior liu mak seidauk hetan osan mina nian entaun dalaruma pasajeirus koalia didi’ak mós sira tenki koalia hasoru kasar, tanba kolen los ona”, hateten nia.

Tuir Aniceto Brites, atendementu taxista sira nian ne’e mós bele fó impaktu ladi’ak ba ema turista sira ne’ebé mak hakarak mai vizita ita nia rai.

“Wanhira turista sira to’o iha Timor Leste tenki hasoru uluk kondutor sira iha Aeroportu, tanba dala ruma kondutór sira hatais kalsa no kamiza ida ne’ebé tesi no naklés, fuma sigaru iha kareta laran, lori taxi ho kondisaun lanu no aproveita komunika koalia hasoru turista ne’e la ho étika”, dehan Aniceto Brites.alm

Jornal Nacional