Nasaun Forte Rekursu Humanus Mos Tenke Forte

DILI – Wainhira nasaun ida atu sai forte maka rekursu humanus mos tenke forte, tanba se rekursu humanus mak la forte nasaun mos sei la forte.

Deklarasaun nee fo sai hosi reitor Institute Of Business (IOB) Augusto da Conceicao Soares liu hosi deskuru iha seminariu neebe mak organija hosi estudante Fakuldade Ekonomia no Negosiu iha kampus IOB, Pantai Kelapa neebe mak ho tema “Hametin Soberania Estadu Liu Hosi Dezenvolvimentu Gestaun Rekursu Humanus” Sesta (3/07).

Estadu ida nee atu sai forte persija mos ninia rekursu humanus ida neebe mak forte mos se rekursu humanus la forte nasaun mos la forte no problema barak kontinua mosu agora hanesan ita uza asesor internasional barak mak mai nia halo servisu tuir kondisaun iha nia rai la tuir ita nian tanba nee mak liu hgosi seminariu dia nee bele motiva ita atu sai aprende ho diak liu tan,” dehan Agustino.

Nia hatutan Timor Leste persija rekursu humanus ida neebe mak kualidade tanba nee estudante sira tenke aprende makas hodi perpara an ba iha aban bairua tanba oras nee dadaun Timor Leste sei uza ema estranjeirus barak tanba deit rekursu humanus limitadu.

Iha fatin hanesan Komandante Unidade Polisia Maritima (UPM) Superintendente, Lino Saldanha, mos hatete atu hametin soberania Estadu hotu-hotu tenke fo ninia kontribuisaun no buat neebe mak importante ba nasaun mak edukasaun, saude, infrastutura nomos siguransa. Informasaun kompletu iha STL Jornal no STL Web, edisaun Sabado (4/7/2015). Thomas Sanches

Suara Timor Lorosae