MAUK MORUK HALO TAN ASAUN

Jornal Nacional, editorial

Grupo Revolusaun Maubere Lideradru Paulino Gama ‘ Mauk Moruk’ halo tan asaun hodi tiru kanek Membru Komando Operasaun Konjunta iha area Atelari, Postu admitrativu Laga, Munisipiu Baucau, Domingo horseik, kuaze tuku 11 Meudia Oras Timor Leste.

Mauk Moruk durante nee sai presigisaun ‘ Buronan’ Komando Operasaun Konjunta tamba komete krime hodi hakanek membru Polisia no mos hadau Pistola Polisia nian iha suku Saelari, Postu Administrativa Laga, iha loron 1 fulan Janeiro 2015.

Antes nee mos Polisia Kaptura Mauk Moruk hodi detein iha Prizaun Becora tamba hakarak halo revolusaun, mobiliza masa ho uniforme semi militar nebe kontra lei, no iha Dezembru laran Mauk Moruk hetan liberadede tamba juis internasional nebe kare kazu nee estadu Timor espulsa hodi fila fali ba sira nia rain.

Ho krime nebe Mauk Moruk ho ninia membru Konsellu Revolusionariu Maubere halo hasoru autoridade seguransa, Polisia, Presidente Parlamentu nasional iha Baguia, tan nee Parlamentu Nasional aprova resolusaun hodi fo kompetensia ba Polisia no F-FDTL forma komandu konjunta Kaptura Mauk Moruk.

Operasaun Kapturasaun Mauk Moruk ho ninia membru nee laos baratu, estadu tenki gasta osan Miliaun 2 Dollar Amerikanu, operasaun kuaze fulan barak ona kaptura deit membru simplis, Mauk Moruk la kaptura hodi ohin loron halo tan asaun foun resulta membru KOK ida kanek.

Asaun nebe Mauk Moruk halo nee bele dehan hakat liu ona limite pasensia estadu nian, tamba asaun primeiru, Polisia mak sai vitima, asaun ba segundo membru KOK husi F-FDTL.

Agora duvida mak nee, Komando Operasaun Konjunta labele kaptura Mauk Moruk tamba sa? Laiha kapasidade? Ka susar atu kaptura nee tamba Mauk Moruk iha esperensia gerilia tan nee KOK labele kaptura? Ka iha konspirasaun ruma?, lahatene los.

Hakarak ka lakohi, estadu tenki atua duni, krime eh krime, estadu tenki zero teleransia ba krimonozu sira, se deit krime tenki husu responsabilidade, ema boot ka kiik, kiak ka riku, lider ka sidadaun bai-bain, se lae, estadu rasik mak haburas kriminozu hadi halo krime.

Agolra atu kombate krimonozu sira nee mos estadu tenki extra kuidadu, Komando Operasaun Konjunta, Polisia no F-FDTL labele atuasaun ho emosaun maibe kontinua respeita termo jridiku bolu, asas praduga tak bersalak, ka presunsaun de inonsensia. KOK tenki komunga dutirina FALINTIL nebe konsidera povu nudar bee, Forsa nudar ikan, labele ema ida mak halo krime, ema seluk mak sai vitima, povu kiik sira mak sai vitima. KOK tenki koopera ho povu atu nunee povu bele fornese informasaun , ajuda Komandao Operasaun, se KOK tun ba terenu Tidak Mau Tahu, ujza Kibata, Kipas dulu baru tanya mak too bainhira deit Mauk Moruk sei la kaptrua, eh pior liu tan hamosu deskontetamentu iha soidade ida nee (*)

Jornal Nacional