Frente Mudansa Konkorda Redus LPV

DILI - Bankada Frente Mudansa iha Uma Fukun Parlamentu Nasional (PN) konkorda redus lei pensaun vitalisia, tamba lei nee komitmentu partidu Frente Mudansa nian iha elisaun jeral tinan 2012.

Membru Parlamentu Nasional husi bankada Frente Mudansa Jorge da Conceicao Teme hatete, Frente mudansa nia komprimisiu eleitoral iha 2012 atu halo lakon pensaun vitalisia, maibee ho kadeira 2 nee sei labele.

Ita bele fiar hau sei Sekertariu Jeral Frente Mudansa,ema balu kolia dehan hau regina aan ona nee bosok ten, maibee hau dehan dala ida tan hau mak ho hau nia presidenti lidera kampania Frente Mudansa iha 2012 haleu 13 Municipiu ami hatete katak, se ami manan karik ita tenki hadia lei pensaun vitalisia, tamba pensaun vitalisia klaru ke lafo justisa sosial ba ita nia povu, tamba nee mak wainhira proposta mai husi partidu boot sira klaru Frente Mudansa sei vota afavour, konaba ba nia redusaun ka ou misaun,” dehan deputadu Jorge ba STL, iha PN, Dili, Tersa (11/08/2015).

Iha fatin hanesan membru PN husi bankada CNRT Domingos Carvalho de Araujo hatete, Iha fin 2015 tenki koalia konaba hadia lei pensaun vitalisia, tamba komunidade tomak kestiona atu hadia lei pensaun vitalisia.

Nunee mos membru PN husi bankada FRETILIN Manuel de Castro hatete, sira nia bankada halo proposta atu halo alterasaun ba lei pensaun vitalisia iha segundu lejislatura, maibe iha segundu lejislatura sira opisizaun neebe hatudu duni karakter oposizaun, lei nee kaduka. Informasaun kompletu iha STL Jornal no STL Web, edisaun Kuarta (12/8/2015). Carme Ximenes

Suara Timor Lorosae