Produsaun Mina Tun, Akara: Uza Osan Fundu Minarai Ho Kuidadu

DILI - Timor Leste (TL) ikus nee hetan osan husi fundu minarai ho montante billaun 16,86, tamba nee uza osan ho kuidadu, tamba ba oin produsaun mina komesa tun e folin mina mos tun, nee fo impaktu boot ba TL.

Tuir Direitur Ejekutivu Luta Hamutuk Mericio Akara katak fundu minarai depois Banku Sentral informa nee total billaun 16,8 maka ikus TL hetan.

Tamba nee maka ita la bele hare husi koantidade osan boot, maibe oinsa hanoin atu jere no atu investe, maske numeru nee boot billaun 16,86, maibe ita la kuidadu uza no jere nee hotu lalais, tamba nee ita tenki seriu atu kuidadu,”hateten Akarak, ba STL iha nia kanar fatin, Farol, Dili, tersa (11/08/2015).

Nia mos haforsa liu tan katak Estadu TL uza osan sira nee ho kuidadu, tamba ba oin produsaun mina mos komesa atu tun, folin mina mos tun, neduni tenki kuidadu jere didiak, investe seitor sustentabele para seitor naun petrolifero bele dezenvolve.

Nia mos louba ho Governu ida nee, tamba Primeiru Ministru Rui Maria de Araujo iha komitmentu atu halo poupansa, maibe sei too deit nivel poupansa teknik balun, seidauk poupansa fundamental prinsipiu poupansa nee seidauk ba seitor hotu-hotu. Informasaun kompletu iha STL Jornal no STL Web, edisaun Kuarta (12/8/2015). Joao Anibal

Suara Timor Lorosae