PORTUGAL KONTINUA FO APOIO BA F-FDTL

DILI – Relasaun bilateral Timor Leste ho Portugal kontinua metin ba bebeik, nunee mos iha area Forsa Defeza nian.

Tuir Ministru Defeza, Cirilo Cristovao, ba jornalista sira iha ninian servisu fatin Kuartel Jeral Falintil Forsa Defeza Timor Leste, Sesta (11/09) hafoin remata enkontru ho Xefe Estadu Maior Armada da Portugal (CEMA) Almirante, Nacieira Fragoso, hatete governu TL sei kontinua haruka forsa F-FDTL atu ba tuir formasaun iha Portugal liu-liu iha area naval nian.

Inkontru ida nee importante tebes tanba admirante nee uluk hanesan director estudu estratejiku nian neebe mak uluk ita nia ofisiais bot sira ba halo kursu jeneral iha Potugal nia mak hanorin iha neeba ida mak Brigadeiru Filomeno Paisao nomos Coronel Falur tanba nee iha future ita sei haruka tan ba,” hatete Cirilo.

Nia hatutan Almirante Nacieira Fragoso oras nee dadaun lidera fali ona forsa armada liu-liu iha area maritime ninian, tanba nee TL persija tebes sira nia ajuda nomos sira nia esperensia liu-liu iha area martima nian.

Iha fatin hanesan Xefe Estadu Maior Armada da Portugal (CEMA) Almirante, Nacieira Fragoso, hatete katak durante nee koperasaun Timor Leste ho Portugal diak tebes tanba nee forsa Portugal pronto atu kontinua fo apoiu ba forsa Timor Leste. Informasaun kompletu iha STL Jornal no STL Web, edisaun Sabado, (12/9/2015). Thomas Sanches

Suara Timor Lorosae